Навука і тэхналогіі11

У ЗША ўхвалілі прымяненне першай у свеце вакцыны для меданосных пчол

У ЗША ўхвалілі прымяненне першай у свеце вакцыны для меданосных пчол. Расказваем, для чаго яна.

Фота: vecteezy.com

Міністэрства сельскай гаспадаркі ЗША (The US Department of Agriculture, ці проста USDA) нядаўна ўхваліла ліцэнзію на выкарыстанне вакцыны для меданосных пчол супраць амерыканскага гнільцу — бактэрыяльнага захворвання, якое аслабляе калоніі пчол і забівае іх лічынкі.

Паводле паведамленняў міністэрства, у ЗША з 2006 года штогод назіраецца імклівае скарачэнне папуляцыі меданосных пчол праз паразітаў, хваробы і пестыцыды, а таксама з прычыны «сіндрому разбурэння калоніі», які праяўляецца праз пакіданне працоўнымі пчоламі свайго роднага вулля і маткі.

Пчолы ж у якасці апыляльнікаў адыгрываюць важную ролю ў многіх аспектах экасістэмы планеты. Па звестках Харчовай і сельскагаспадарчай арганізацыі ААН, такія апыляльнікі, як пчолы, птушкі і лятучыя мышы, адказваюць прыкладна за траціну сусветнай вытворчасці сельскагаспадарчых культур.

Амерыканскі гнілец, у сваю чаргу, уяўляе сабой праблему для пчаляроў, бо гэтая хвароба вельмі заразная і не можа быць цалкам вылечаная. Адзіны метад лячэння патрабуе спальвання цэлай калоніі заражаных пчол і іх вулляў разам з апрацоўкай антыбіётыкамі ўсіх найбліжэйшых калоній.

«Новая вакцына можа стаць грандыёзным крокам наперад для пчаляроў. Калі ў нас атрымаецца прадухіліць інфекцыю, мы зможам пазбегнуць дарагога лячэння і накіраваць нашы рэсурсы на іншыя важныя элементы падтрымання здароўя пчол», — заявіў Трэвар Таўзэр, адзін з чальцоў праўлення Асацыяцыі пчаляроў штата Каліфорнія.

Такога ж меркавання прытрымліваецца біятэхналагічная кампанія Dalan Animal Health, якая і распрацавала гэтую вакцыну.

«Вакцына можа стаць прарывам у абароне меданосных пчол», — упэўненая Анет Кляйзер, генеральны дырэктар Dalan Animal Health.

Па інфармацыі кампаніі, у вакцыне ёсць неактыўныя бактэрыі, якія выклікаюць хваробу амерыканскага гнільцу. Калі дадаць вакцыну (разам з бактэрыямі) у корм, якім працоўныя пчолы кормяць сваю матку, то частка вакцыны назапасіцца ў яе яечніках і новае патомства народзіцца ўжо з прыроджаным імунітэтам. У выніку так можна значна паменшыць смяротнасць сярод меданосных пчол.

Прадстаўнікі Dalan Animal Health заяўляюць, што кампанія плануе распаўсюджваць вакцыну абмежавана сярод камерцыйных пчаляроў, і дадаюць, што сам прадукт, імаверна, можна будзе купіць у ЗША ўжо ў гэтым годзе.

Каментары1

  • Валенты
    07.01.2023
    Рэд. Дзякуй, выправілі.

Цяпер чытаюць

Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення

Усе навіны →
Усе навіны

У ЗША і Германіі канстатавалі, што перамоў паміж Расіяй і Украінай найбліжэйшым часам не будзе1

«Гэта выпадкова не Ібіца?» Лагер «Зубраня» паказаў, як у ім праходзяць дзіцячыя дыскатэкі4

Дзяржава ўзяла пад кантроль кампанію, дзе раней запраўляла сям'я збеглага экс-прэзідэнта Кыргызстана3

«Ідзі адсюль, беларус смярдзючы!» Украінец збіў у Варшаве беларускага эмігранта62

У Польшчы перад авіяшоу разбіўся самалёт F-16 ВІДЭА5

Венгрыя забараніла ўезд камандзіру ўкраінскага падраздзялення, адказнага за атакі на «Дружбу». Гэты вайсковец — этнічны венгр10

«Расія падобная да вады». Як расійская прапаганда непрыкметна заваёўвае аўдыторыю ў Афрыцы і Лацінскай Амерыцы2

Таццяна Шчытцова пакінула каманду Святланы Ціханоўскай14

У Слуцкім раёне з саламяных цюкоў зрабілі «Алею памяці» ФОТАФАКТ9

больш чытаных навін
больш лайканых навін

Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення40

Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення

Галоўнае
Усе навіны →

Заўвага:

 

 

 

 

Закрыць Паведаміць