Прадстаўнік ЕС: Мы публічна не абмяркоўваем, чаму кагосьці няма ў санкцыйных пакетах
У ЕС пракаментавалі інфармацыю, што Беларусь не ўключылі ў папярэдні пакет санкцый нібыта па просьбе Украіны. Прадстаўнік ЕС па знешнепалітычных пытаннях Петэр Стана, адказваючы на адпаведнае пытанне карэспандэнткі Deutsche Welle ў Бруселі, праўда, абышоўся больш агульнымі словамі.
«Мы не абмяркоўваем публічна дэталі, працэсы, а таксама прычыны, па якіх каго-небудзь ці чаго-небудзь няма ў тым ці іншым пакеце», — заявіў Стана.
Пры гэтым ён падкрэсліў, што санкцыі, звязаныя з агрэсіяй Расіі супраць Украіны, пастаянна пераглядаюцца.
«Мы будзем працягваць адказваць санкцыямі датуль, пакуль Расія будзе працягваць эскалацыю. Мы будзем працягваць прымяняць санкцыі таксама ў дачыненні да тых, хто дапамагае і падтрымлівае незаконныя дзеянні Расіі. Гэта датычыць Беларусі, Ірана, а таксама людзей і арганізацый з іншых краін, калі гэта неабходна», — адзначыў прадстаўнік ЕС.
Пра тое, што Беларусь не ўключылі ў папярэдні пакет санкцый па просьбе Украіны, паведаміў карэспандэнт «Радыё Свабода» ў Бруселі Рыкард Ёзвяк. Ягоныя словы ўжо абвергла МЗС Украіны, якое заявіла, што паведамленні не адпавядаюць рэчаіснасці.
Чытайце таксама:
МЗС Украіны: Інфармацыя пра патрабаванне Кіева не ўводзіць санкцыі супраць Беларусі не адпавядае рэчаіснасці
Ціханоўская: Мы разумеем, што ўлады Украіны не хочуць правакаваць Лукашэнку. Але ён не ахвяра
Ёзвяк: ЕС не ўводзіць санкцыі супраць рэжыму Лукашэнкі па просьбе Украіны
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары