Святаслаў Вакарчук пра Мэрыем Герасіменка: Спадзяюся, яна годна пройдзе гэта выпрабаванне
Лідар украінскага гурта «Океан Ельзи» Святаслаў Вакарчук пракаментаваў прысуд беларускай спявачцы Мэрыем Герасіменка. Дзяўчына атрымала тры гады «хатняй хіміі» за выкананне хіта «Океана Ельзи» «Обійми».
Падчас эфіру на ўкраінскім тэлеканале «1+1» Вакарчук заўважыў, што ў Беларусі прымяняюцца рэпрэсіўныя метады, якія выкарыстоўваліся ў савецкі час. Тады ўсіх, хто быў нязгодны і пратэставаў супраць улады, саджалі і пераследавалі:
«У гэтым выпадку гэта тыповыя рэпрэсіўныя метады.
Мне вельмі шкада гэту выдатную дзяўчыну, якая, я спадзяюся, знойдзе сілы і годна пройдзе гэтае выпрабаванне. Зычу ёй і ўсім астатнім, цалкам несправядліва асуджаным, або тым, хто чакае суда, — стойкасці. Безумоўна, мы іх у гэтым падтрымліваем маральна, чым можам», — сказаў Вакарчук.
Музыка таксама звярнуў увагу на тое, што спачатку прычынай затрымання Герасіменка назвалі выкананне ёю песні на ўкраінскай мове, а потым заявілі, што прычынай стала тое, што артыстка данаціла на ўкраінскае войска:
«Я не магу зразумець, чаму данаціць украінскаму войску — гэта парушэнне грамадскага парадку… Гэта зусім іншы свет, з якога, дзякуй богу, мы, украінцы, выйшлі ў 1991 годзе і дакладна ніколі не вернемся. Мы цяпер плацім цану страшных ахвяраў, каб не вярнуцца да гэтага страшнага жаху, у якім цяпер знаходзяцца Беларусь і Расія», — сказаў Вакарчук.
Чытайце таксама:
Мэрыем Герасіменка далі тры гады «хатняй хіміі»
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары
(зевая) ога) блокирую Тихоновскую, например. Чем можем, чё "мышебратья"