Śviatasłaŭ Vakarčuk pra Meryjem Hierasimienka: Spadziajusia, jana hodna projdzie heta vyprabavańnie
Lidar ukrainskaha hurta «Okiean Jelzi» Śviatasłaŭ Vakarčuk prakamientavaŭ prysud biełaruskaj śpiavačcy Meryjem Hierasimienka. Dziaŭčyna atrymała try hady «chatniaj chimii» za vykanańnie chita «Okieana Jelzi» «Obijmi».
Padčas efiru na ŭkrainskim telekanale «1+1» Vakarčuk zaŭvažyŭ, što ŭ Biełarusi prymianiajucca represiŭnyja mietady, jakija vykarystoŭvalisia ŭ saviecki čas. Tady ŭsich, chto byŭ niazhodny i pratestavaŭ suprać ułady, sadžali i pieraśledavali:
«U hetym vypadku heta typovyja represiŭnyja mietady.
Mnie vielmi škada hetu vydatnuju dziaŭčynu, jakaja, ja spadziajusia, znojdzie siły i hodna projdzie hetaje vyprabavańnie. Zyču joj i ŭsim astatnim, całkam niespraviadliva asudžanym, abo tym, chto čakaje suda, — stojkaści. Biezumoŭna, my ich u hetym padtrymlivajem maralna, čym možam», — skazaŭ Vakarčuk.
Muzyka taksama źviarnuŭ uvahu na toje, što spačatku pryčynaj zatrymańnia Hierasimienka nazvali vykanańnie joju pieśni na ŭkrainskaj movie, a potym zajavili, što pryčynaj stała toje, što artystka danaciła na ŭkrainskaje vojska:
«Ja nie mahu zrazumieć, čamu danacić ukrainskamu vojsku — heta parušeńnie hramadskaha paradku… Heta zusim inšy śviet, ź jakoha, dziakuj bohu, my, ukraincy, vyjšli ŭ 1991 hodzie i dakładna nikoli nie vierniemsia. My ciapier płacim canu strašnych achviaraŭ, kab nie viarnucca da hetaha strašnaha žachu, u jakim ciapier znachodziacca Biełaruś i Rasija», — skazaŭ Vakarčuk.
Čytajcie taksama:
Meryjem Hierasimienka dali try hady «chatniaj chimii»
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać1
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary
(zievaja) oha) błokiruju Tichonovskuju, naprimier. Čiem možiem, čio "myšiebraťja"