Нафтагазавыя даходы Расіі ў лютым скараціліся на 48% пасля скарачэння на 38% у студзені
Нафтагазавыя даходы Расіі ў лютым упалі амаль удвая (на 48%) у параўнанні з мінулым годам. Гэта адбылося на фоне заходніх санкцый і росту зніжак на нафту Urals. Даходы ад экспарту газу пасля рэзкага падзення яго аб'ёмаў скараціліся на 42%, падлічыў Bloomberg.
Нафтагазавыя даходы Расіі ў лютым склалі 6,9 млрд даляраў. Даходы ад нафты і нафтапрадуктаў скараціліся на 4,8 млрд даляраў, а газавыя даходы — на 2,1 млрд.
У лютым сярэдняя цана на асноўны экспартны гатунак Urals склала 49,56 даляра за бараль.
З 5 снежня дзейнічае эмбарга ЕС на куплю нафты з Расіі з дастаўкай па моры, а таксама столь цэн на ўзроўні 60 даляраў, да якой далучыліся краіны G7, Аўстралія і Нарвегія. З 5 лютага такія ж меры ўвялі па расійскіх нафтапрадуктах.
На даходы ад энерганосьбітаў прыпадае каля траціны паступленняў у расійскі бюджэт.
Раней агенцтва Reuters са спасылкай на даныя Міжнароднага энергетычнага агенцтва паведамляла, што ў студзені 2023 года даходы Расіі ад экспарту нафты і газу знізіліся на 38 працэнтаў у параўнанні са студзенем 2022 года.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА117
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары