Агракамбінат «Дзяржынскі» працягвае пашырацца, далучае «Мінскі мясакамбінат»
Паведамленне аб тым, што «Мінскі мясакамбінат» пераходзіць да ААТ «Агракамбінат «Дзяржынскі», з'явілася на Адзіным партале фінансавага рынку. Адпаведнае рашэнне было прынятае акцыянерамі «Мінскага мясакамбіната» 30 сакавіка, піша Reform.by.
«Парадак размеркавання акцый сярод удзельнікаў акцыянернага таварыства пры рэарганізацыі не ўстаноўлены», — гаворыцца ў паведамленні. Абодва прадпрыемствы кантралююцца дзяржавай.
Пасля далучэння «Мінскага мясакамбіната» агракамбінат «Дзяржынскі» ўзмоцніць свае пазіцыі ў якасці аднаго з найбуйнейшых аграрных прадпрыемстваў краіны. У апошнія гады ён значна пашырыўся за кошт паглынання іншых дзяржаўных актываў.
Так, у 2021 годзе прадпрыемства атрымала ў кіраванне ААТ «1-я Мінская птушкафабрыка», а на пачатку гэтага года канчаткова завяршыла працэс яе далучэння. Акрамя таго, нядаўна да агракамбіната былі далучаныя КСУП «Логавішча-Агра», размешчанае ў вёсцы Логавішча Дзяржынскага раёна, і ААТ «Кастрычніцкая рэвалюцыя», якое знаходзіцца ў вёсцы Грычына таго ж раёна.
Цяпер чытаюць
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам5
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
Каментары