Адзін з найбуйнейшых банкаў Індыі далучыўся да санкцый супраць расійскай нафты
У расійскіх нафтавікоў узніклі новыя складанасці з продажам нафты ў Індыю, якая пасля пачатку вайны і ўвядзення заходніх санкцый стала найбуйнейшым рынкам збыту для Расіі. Bank of Baroda, другі па памеры актываў індыйскі дзяржбанк, з красавіка блакуе плацяжы за нафту з Расіі, калі яе цана перавышае ўстаноўленую краінамі G7 «столь», паведамляе Reuters са спасылкай на тры крыніцы, знаёмыя з сітуацыяй.
Па словах крыніц Reuters, некаторыя індыйскія НПЗ выкарыстоўвалі гэты банк, каб купляць расійскую сыравіну праз Аб'яднаныя Арабскія Эміраты з аплатай у дырхемах. Шэраг здзелак праходзіў па цэнах вышэй за 60 даляраў, але цяпер з гэтай практыкай будзе скончана.
«Bank Of Baroda вельмі асцярожны з плацяжамі вышэй цэнавай столі. Яны сказалі нам, што не будуць праводзіць плацяжы», — распавядае адзін з суразмоўцаў агенцтва.
Нарасціўшы закупкі ў Расіі амаль у 400 разоў, Індыя застаецца абсалютным лідарам па імпарце марскіх партый Urals: у сакавіку на яе прыпала 70% месячнага плана адгрузкі. Кітай, паводле ацэнак Reuters, купляе значна менш — каля 8%. Турцыя знаходзіцца на трэцім месцы з доляй 7%. Чацвёртым па велічыні пакупніком з доляй 5% з'яўляецца Балгарыя — адзіная еўрапейская краіна, якой дазволена купляць марскую расійскую нафту пасля эмбарга ЕС.
Больш за 15 мільярдаў даляраў. Расійскі нафтагазавы грант Лукашэнку ў год нападу на Украіну быў рэкордным у гісторыі
Расійская эканоміка пачала рассыпацца — Wall Street Journal
Казахстан упершыню адправіў нафту шляхам, альтэрнатыўным Расіі, праз Каспійскае мора
Нафтагазавыя даходы Расіі ў лютым скараціліся на 48% пасля скарачэння на 38% у студзені
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары
Ай да гарна навина.