Навука і тэхналогіі

Новая мабільная праграма ад Google дазволіць вам лёгка перадаваць файлы паміж ПК і Android

Канкурэнт AirDrop — гуглаўская праграма Nearby Share — цяпер даступная ў Windows у выглядзе бэта-версіі.

Выява: android.com

Google аб'яўляў пра планы па запуску Nearby Share на Windows яшчэ ў мінулым годзе, і вось нарэшце выпусціў праграму для Windows у выглядзе бэта-версіі, каб дазволіць карыстальнікам Android абменьвацца фотаздымкамі, дакументамі, файламі і спасылкамі паміж прыладамі Android і ПК з Windows.

Windows Nearby Share проста трэба ўсталяваць і наладзіць, каб пачаць абменьвацца файламі паміж прыладамі Android і Windows. Даступная новая фіча ў версіях Windows 10 і вышэйшых, але ноўтбукі Windows на базе ARM цяпер не падтрымліваюцца. Вы можаце наладзіць Nearby Share, каб дазволіць абмен файламі з усімі, толькі з вашымі кантактамі, або абмежаваць гэта толькі сваімі прыладамі.

«Nearby Share Beta працуе з вашым ПК на Windows незалежна ад таго, адкрытая праграма на працоўным стале ці працуе ў фонавым рэжыме, — тлумачыць Прыя Самнеркар, старшы менеджар па прадуктах Android. — Працягваючы наладжваць вопыт і атрымліваць вашы водгукі, мы пашырым афіцыйную падтрымку для абмену кантэнтам з іншымі прыладамі экасістэмы Google».

Выява: Google

Новая Windows-праграма дазваляе проста перацягваць файлы мышкай у мабільную праграму. Калі на абедзвюх прыладах выкананы ўваход у ваш уласны ўліковы запіс Google, працэс яшчэ хутчэйшы, а файлы прымаюцца і перадаюцца аўтаматычна. Гэта працуе, нават калі ў вас выключаны экран тэлефона або ноўтбука.

Пакуль Google тэстуе Nearby Share для Windows у ЗША і шэрагу іншых краін, але многія еўрапейскія краіны пакуль не маюць доступу — у тым ліку Францыя, Германія, Італія і Іспанія. Поўны спіс краін, якія не падтрымліваюцца, даступны на сайце падтрымкі Google — і Беларусь у гэты спіс не ўваходзіць.

Google Nearby Share — другая буйная мабільная праграма для Windows, якую Google нядаўна запусціў для тэставання ў выглядзе бэта-версіі. Google Play Games з'явіўся ў лістападзе мінулага года, дазваляючы карыстальнікам Windows атрымліваць доступ да абмежаванага спісу Android-гульняў на сваіх ПК, паведамляе The Verge.

Каментары

Стала вядома, што за 200 тысяч еўра прапаноўвалі Сяргею Ціханоўскаму «беларускія бізнэсмены»12

Стала вядома, што за 200 тысяч еўра прапаноўвалі Сяргею Ціханоўскаму «беларускія бізнэсмены»

Усе навіны →
Усе навіны

«Разабралі будаўнічыя агароджы за ноч»: мінчане 20 гадоў змагаюцца за міні-парк супраць АЗС2

Першае выданне «Хобіта» прадалі за рэкордныя грошы

75-гадовы дзядуля ў Мядзельскім раёне адправіўся на ровары ў 30-кіламетровы паход і прапаў5

Стартап беларусаў, які працуе на Галівуд, трапіў на экраны Таймс-сквер1

Міколу Статкевічу сёння споўнілася 69 гадоў1

Мілінкевіч: Калі паглядзець на вопыт іншых краін, найбольшы поспех быў там, дзе ўдалося спрагназаваць і рэалізаваць дыялог27

Крышціяну Раналду зрабіў прапанову Джарджыне Радрыгес3

Трамп накіраваў Нацыянальную гвардыю ў Вашынгтон і запатрабаваў ад бяздомных пакінуць горад3

Пачырванелае сонца і электрычныя калёсы — чым яшчэ пужала людзей прырода на Беларусі чатырыста гадоў таму?2

больш чытаных навін
больш лайканых навін

Стала вядома, што за 200 тысяч еўра прапаноўвалі Сяргею Ціханоўскаму «беларускія бізнэсмены»12

Стала вядома, што за 200 тысяч еўра прапаноўвалі Сяргею Ціханоўскаму «беларускія бізнэсмены»

Галоўнае
Усе навіны →

Заўвага:

 

 

 

 

Закрыць Паведаміць