Грамадства1010

Мінскія ўлады забаранілі праводзіць велікодныя службы каля закрытага Чырвонага касцёла

Улады Мінска адказалі адмовай на просьбу каталіцкай парафіі Святога Сымона і святой Алены дазволіць правесці велікодныя службы ў плябаніі і на прылеглай тэрыторыі Чырвонага касцёла, закрытага ўжо больш за паўгода. Просьбу расцанілі як заяўку на масавае мерапрыемства.

Чырвоны касцёл пасля закрыцця ўладамі
Чырвоны касцёл пасля закрыцця ўладамі. Фота з сацсетак

«Мы звярталіся да ўладаў з просьбай дазволіць Богаслужэнні на Велікодныя ўрачыстасці, аднак атрымалі адказ — нельга. Вось такое «пасхальнае віншаванне». Працягваем далей з вераю маліцца ў інтэнцыі вяртання святыні вернікам і аднаўленні парафіяльнага жыцця. А Хрысту, Які ёсць праўдай і справядлівасцю, даручаем усіх, хто прымае рашэнні», — гаворыцца ў паведамленні касцельнага камітэта.

Там адзначылі, што сёлета «Велікодныя святы для нашай парафіі асаблівыя. Маем нагоду бліжэй дакрануцца і перажыць знявагі, адкінутасць і боль нашага Збаўцы».

«На вялікі жаль, наша святыня да гэтага часу зачыненая. Чырвоны касцёл, які ў пасхальныя дні з малітвай напаўнялі тысячы вернікаў, цяпер пусты. Наш Збавіцель, Які прыняў страшэнныя пакуты за ўсіх людзей, імі ж — людзьмі — выгнаныя са святыні», — з горыччу адзначаюць вернікі.

Як вынікае з апублікаванага адказу Мінгарвыканкама, просьбу аб велікодных службах каля касцёла ўлады расцанілі як заяўку на масавае мерапрыемства, для правядзення якога трэба загадзя аплачваць паслугі міліцыі, медыкаў і камунальнікаў.

«Пададзеная вамі заява не адпавядае патрабаванням закона (…) Мінгарвыканкам не ўзгадняе правядзенне заяўленых масавых мерапрыемстваў і паведамляе аб недапушчальнасці парушэння заканадаўства», — гаворыцца ў адказе намесніка старшыні Мінгарвыканкама Арцёма Цурана.

Каментары10

  • Параска
    08.04.2023
    Камунiсты ...А чаму маучыць папа рымскi ?
  • парафіянін
    08.04.2023
    Тым часам, купка ябацек-фрыкаў ходзіць па горадзе са сцягамі без усялякіх медыкаў і дазволаў. Як і на сотнях іншых сходак, што ладзяць лукашысты.

    Каталікі! Людзі! Майце самапавагу. Прасіць бесаў аб чымсьці - гэта тупіковы шлях. Аддайце будынак лукашу пад захоўванне бульбы і паведамляйце ў Ватыкан аб тым, што тут адбываецца. Бо ўжо брыдка назіраць становіцца, як вы ідзеце ў хунты на павадку.
  • Абу
    08.04.2023
    - Хрыстос уваскрос!
    - Дзякуй, мне ўжо далажылі. Дарэчы, арыштуйце яго за несанкцыянаванае ўваскрасенне.

Цяпер чытаюць

Крымскі мост зруйнаваны ўдарам ракет «Фламінга»7

Крымскі мост зруйнаваны ўдарам ракет «Фламінга»

Усе навіны →
Усе навіны

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім7

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

«Памятнік жэртвам фашызму»: у Азарычах з’явіўся дзіўны ўказальнік28

Новы вобраз Міхалка. Як прайшоў канцэрт «Ляпіса Трубяцкога» ў Берліне23

У Мінску ўжо паставілі першую ёлку5

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска3

больш чытаных навін
больш лайканых навін

Крымскі мост зруйнаваны ўдарам ракет «Фламінга»7

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць