У аўторак — Радаўніца. Эколагі заклікаюць адмовіцца ад пластыкавых кветак
Штучныя пластыкавыя кветкі забруджваюць навакольнае асяроддзе і шкодна ўплываюць на чалавечае здароўе. Пра гэта 19 красавіка распавёў намеснік старшыні Мінскага гарадскога камітэта прыродных рэсурсаў і аховы навакольнага асяроддзя Дзмітрый Шунькін, пішуць Мінск-навіны.
Пластыкавыя кветкі робяць з танных і не заўсёды бяспечных матэрыялаў. Купляючы іх, людзі назапашваюць смецце, якое не перапрацоўваецца і пасля робіць шкоду прыродзе — выдзяляе таксічныя рэчывы, забруджвае паветра, глебу і грунтавыя воды. Сталічныя эколагі напярэдадні Радаўніцы заклікаюць гараджан у якасці альтэрнатывы высаджваць на могілках мнагалетнія кветкі, карлікавыя кусты і газонную траву. А кветкі варта прыносіць на магілы жывыя ў вазонах.
— У Беларусі на Радаўніцу могілкі наведваюць больш за 1,5 млн чалавек, — сказаў Д.Шунькін. — Калі траціна з іх купіць усяго па 2 штучныя кветкі, то на магілах памерлых будзе пакінута больш за мільён пластыкавых раслін.
Штогод пасля святаў на палігоны цвёрдых камунальных адкідаў па ўсёй краіне вывозяць больш за мільён пластыкавых кветак. Тэрмін іх раскладання — некалькі сотняў гадоў. Яшчэ горш, калі ўпрыгажэнні спальваюць. Тады ў навакольнае асяроддзе выдзяляюцца цяжкія металы і дыяксіны, якія негатыўна ўплываюць на здароўе людзей
-
«Белавія» адмяніла рэйс у Тэль-Авіў. А ў Доху адправяць пусты самалёт, які забярэ беларускіх турыстаў
-
Руку мінчанкі зацягнула ў цестараскатвалку: вызваляць жанчыну давялося з дапамогай бензарэза
-
Замест штрафу за самагон — крымінальная справа: на Случчыне жанчына распіхала хабар па кішэнях участковым пакуль яе здымалі на камеру
Каментары