U aŭtorak — Radaŭnica. Ekołahi zaklikajuć admovicca ad płastykavych kvietak
Štučnyja płastykavyja kvietki zabrudžvajuć navakolnaje asiarodździe i škodna ŭpłyvajuć na čałaviečaje zdaroŭje. Pra heta 19 krasavika raspavioŭ namieśnik staršyni Minskaha haradskoha kamiteta pryrodnych resursaŭ i achovy navakolnaha asiarodździa Dźmitryj Šuńkin, pišuć Minsk-naviny.
Płastykavyja kvietki robiać z tannych i nie zaŭsiody biaśpiečnych materyjałaŭ. Kuplajučy ich, ludzi nazapašvajuć śmiećcie, jakoje nie pierapracoŭvajecca i paśla robić škodu pryrodzie — vydzialaje taksičnyja rečyvy, zabrudžvaje pavietra, hlebu i hruntavyja vody. Staličnyja ekołahi napiaredadni Radaŭnicy zaklikajuć haradžan u jakaści alternatyvy vysadžvać na mohiłkach mnahaletnija kvietki, karlikavyja kusty i hazonnuju travu. A kvietki varta prynosić na mahiły žyvyja ŭ vazonach.
— U Biełarusi na Radaŭnicu mohiłki naviedvajuć bolš za 1,5 młn čałaviek, — skazaŭ D.Šuńkin. — Kali tracina ź ich kupić usiaho pa 2 štučnyja kvietki, to na mahiłach pamierłych budzie pakinuta bolš za miljon płastykavych raślin.
Štohod paśla śviataŭ na palihony ćviordych kamunalnych adkidaŭ pa ŭsioj krainie vyvoziać bolš za miljon płastykavych kvietak. Termin ich raskładańnia — niekalki sotniaŭ hadoŭ. Jašče horš, kali ŭpryhažeńni spalvajuć. Tady ŭ navakolnaje asiarodździe vydzialajucca ciažkija mietały i dyjaksiny, jakija niehatyŭna ŭpłyvajuć na zdaroŭje ludziej
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary