Цеплавоз, які падарвалі ў Бранскай вобласці, належыць лакаматыўнаму дэпо Гомель — Супольнасць чыгуначнікаў Беларусі
Супольнасць чыгуначнікаў Беларусі пацвердзіла, што цягнік, які сышоў з рэек у Бранскай вобласці, належыць БЧ.
Паводле іх, цеплавоз серыі 2ТЭ10УК №0195 стаіць на ўліку ў прыпісным парку лакаматыўнага дэпо Гомель Беларускай чыгункі.
У адпаведнасці з дагаворам на абслугоўванне паміж чыгуначнымі адміністрацыямі Беларусі і Расіі, участак Гомель-Бранск абслугоўваецца сумесна лакаматывамі і лакаматыўнымі брыгадамі як расійскага, так і беларускага бакоў, паведамляе супольнасць.
Чыгуначнікі адзначаюць, што пры падобных здарэннях пазбегнуць чалавечых ахвяр з боку лакаматыўнай брыгады ўдалося толькі дзякуючы шчасліваму збегу абставін.
У Расіі створаны аператыўны штаб для каардынацыі работы па ліквідацыі наступстваў гэтага крушэння.
На паўднёвым захадзе Бранскай вобласці расійскімі ўладамі ўведзены план «Перахоп». Шукаюць двух мужчын, магчыма, датычных да гэтага здарэння — яны трапілі на камеры назірання паблізу месца выбуху.
Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29
Каментары