Эканоміка

«Усё стабільна дрэнна». Агенцтва Moody's зноў панізіла крэдытныя рэйтынгі Беларусі, аднак павысіла прагноз па ёй з «негатыўнага» на «стабільны»

Паводле справаздачы агенцтва, Беларусь нясе вельмі сур'ёзныя эканамічныя страты праз сваю палітыку і падтрымку вайны супраць Украіны. Расія кампенсаваць усё гэта не зможа.

Ілюстрацыйная выява. Фота: «Наша Ніва»

Міжнароднае рэйтынгавае агенцтва Moody's знізіла доўгатэрміновы крэдытны статус эмітэнта Беларусі ў нацыянальнай і замежнай валютах з узроўню Са да С (дэфолтны стан і вельмі нізкія шанцы на пагашэнне), а таксама пагоршыла рэйтынг краіны па прыярытэтных незабяспечаных даўгах (тое ж самае: з Са да С). Пра гэта агенцтва паведаміла 2 чэрвеня на сваім афіцыйным сайце.

У сваёй новай справаздачы Moody's прыйшло да высновы, што праз удзел у вайне супраць Украіны і накладзеныя ў выніку гэтага міжнародныя санкцыі Беларусь сутыкнецца з адчувальным і доўгатэрміновым уронам эканоміцы, які Расія здольная кампенсаваць толькі часткова. 

У дадатак да гэтага Беларусь праз падтрымку вайны і санкцыі застанецца няздольнай пагасіць свае даўгі па еўрааблігацыях, што яшчэ ў мінулым годзе ў агенцтве пазначылі як дэфолт.

«Праз вайну супраць Украіны і санкцыі Беларусь не зможа пагасіць свае даўгі па еўрааблігацыях нават з улікам яе спроб аплаціць іх у нацыянальнай валюце, што ёсць недапушчальным. Чаканыя страты трымальнікаў гэтых аблігацый перавысяць 65%. 

Пры гэтым Расія не зможа цалкам выратаваць Беларусь ад вельмі высокага рыску дэфолту па дзейных і будучых выпусках даўгавых абавязацельстваў. Краіна фактычна пазбаўленая доступу да заходніх фондавых рынкаў і вельмі абмежаваная ў магчымасці абслугоўваць частку свайго знешняга доўгу, намінаванага ў замежнай валюце. Апроч гэтага, унутры Беларусі існуе вельмі высокая рызыка палітычнай нестабільнасці», — паведаміла агенцтва Moody's у сваёй новай справаздачы.

У тым ліку пагаршаюць сітуацыю велізарнае ўмяшанне ўрада ў справы эканомікі, закрытасць фінансавай сістэмы, абмежаваная надзейнасць інстытутаў улады, а таксама неэфектыўнасць мясцовай палітыкі і геапалітычная турбулентнасць (асабліва падкрэсліваюцца санкцыі ЕС і ЗША і адключэнне шэрагу дзяржаўных банкаў ад сістэмы SWIFT).

Аднак пры гэтым Moody's павысіла агульны прагноз па Беларусі з «негатыўнага» на «стабільны», тлумачачы гэта тым, што эканоміка краіны хоць і панясе сур'ёзныя доўгатэрміновыя страты, але ўсё ж паступова прыстасуецца да санкцый і нават пакажа невялікі аднаўленчы рост рэальнага ВУП (паводле чаканняў агенцтва, у 2023 годзе гэты рост складзе 0,3%).

Гэты статус азначае працяглае існаванне ва ўмовах вайны ва Украіне, сумнеўнай пераарыентацыі экспарту з Захаду на Усход, пастаяннай пагрозы ўвядзення новых санкцый і наяўнасці высокай рызыкі ўнутранай нестабільнасці, тлумачыць агенцтва Moody's. 

Каментары

Цяпер чытаюць

«Я пра мужоў-беларусаў чую толькі: «Ніколі зноў!» Чаму бчб-нявеста Іна Зайцава на год знікла з сацсетак і што з ёй цяпер?2

«Я пра мужоў-беларусаў чую толькі: «Ніколі зноў!» Чаму бчб-нявеста Іна Зайцава на год знікла з сацсетак і што з ёй цяпер?

Усе навіны →
Усе навіны

Лукашэнка павіншаваў народ Украіны з Днём Незалежнасці, пажадаў «па-сапраўднаму незалежнага развіцця»14

«Абутак для сапраўдных патрыётаў»: беларуская фабрыка робіць для школьнікаў боты з чырвона-зялёнымі шнуркамі30

Якім будзе надвор'е ў апошні тыдзень лета

«Шэдэўры Малевіча» з-пад матраца пенсіянеркі. Кур'ёз у свеце мастацтва2

Трывожны званочак — патрэба выпіць зранку. Нарколаг расказаў, як зразумець, што вы алкаголік19

Памёр бізнэсмен з 90-х Аляксандр Сманцар. Гэта ён у 2010 званіў Статкевічу на Плошчу і заклікаў «сядаць у крэсла Сідорскага»

Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер11

Раку ў Белавежскай пушчы павярнулі ў рэчышча XIX стагоддзя2

У Нясвіжы выстаўляюцца творы беларускіх майстроў, вывезеных у Маскву. Тое, што яны ўмелі, рускім майстрам тады і не снілася25

больш чытаных навін
больш лайканых навін

«Я пра мужоў-беларусаў чую толькі: «Ніколі зноў!» Чаму бчб-нявеста Іна Зайцава на год знікла з сацсетак і што з ёй цяпер?2

«Я пра мужоў-беларусаў чую толькі: «Ніколі зноў!» Чаму бчб-нявеста Іна Зайцава на год знікла з сацсетак і што з ёй цяпер?

Галоўнае
Усе навіны →

Заўвага:

 

 

 

 

Закрыць Паведаміць