Грамадства

Mark Formelle аб'явіў пра маштабны рэбрэндынг

Беларускі вытворца трыкатажнага адзення Mark Formelle правёў рэбрэндынг. Кампанія прадставіла абноўлены лагатып і новую візуальную канцэпцыю, у аснове якой — шматслойнасць, эксперыменты з вобразамі і свабода самавыяўлення, піша Office Life.

Фота: Mark Formelle

У лагатыпе захаваўся звыклы квадрат, але шрыфт зрабілі больш сучасным і футурыстычным. Яго плануюць выкарыстоўваць у лічбавых прасторах і пры афармленні фірмовых гандлёвых пунктаў.

Акрамя таго, кампанія стварыла ўласнага маскота па імені Мафік. У будучыні ён разам з фірмовай тыпаграфікай будзе з'яўляцца на прынтах адзення.

Новая канцэпцыя атрымала назву Multiply Fashion. Яна прадугледжвае спалучэнне розных прадметаў гардэроба, фактур, колераў і сілуэтаў, каб людзі маглі эксперыментаваць з уласным стылем і ствараць індывідуальныя вобразы.

Калаж: Office Life

У аснову новай графікі брэнда паклалі эстэтыку рызаграфіі — тэхналогіі друку, пры якой выява фармуецца шляхам паслядоўнага накладання каляровых слаёў.

Змены закранулі і фірмовы колер кампаніі — маджэнту. Яго захавалі, але перагледзелі адценні і спосабы выкарыстання. У новай палітры з'явіліся больш светлыя і мяккія варыянты гэтага колеру. У кампаніі лічаць, што гэта дазволіць лепш спалучаць яго з іншымі каляровымі акцэнтамі, захаваўшы сувязь з ранейшым стылем брэнда.

Фота: Mark Formelle

Рэбрэндынг закране і фірмовыя крамы. Іх афармленне перагледзяць з улікам новай графікі: змены адбудуцца ў вітрынах, навігацыі і элементах інтэр'ера.

Таксама кампанія зменіць падыход да фотаздымкаў. Выявы стануць больш лаканічнымі, а мадэлі і адзенне будуць выразней вылучацца на фоне графічных элементаў.

Брэнд Mark Formelle быў заснаваны ў 2009 годзе. Цяпер ён аб'ядноўвае ўласную вытворчасць і рознічны гандаль. Кампанія мае 24 фабрыкі і каля 330 фірмовых крам у чатырох краінах: Беларусі, Расіі, Казахстане і Узбекістане. Акрамя таго, яна супрацоўнічае з буйнымі інтэрнэт-маркетплэйсамі.

Паводле звестак Нацыянальнага цэнтра інтэлектуальнай уласнасці, правы на зарэгістраваныя ў Беларусі таварныя знакі Mark Formelle належаць Святлане Сіпаравай, адной з сузаснавальніц кампаніі.

У 2022 годзе таварны знак Mark Formelle быў прызнаны ў Беларусі агульнавядомым для 25‑га класа тавараў. Да яго належаць, у прыватнасці, футболкі, майкі, ніжняя бялізна, калготкі, купальнікі і шкарпэткі.

Каментары

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Кавалер збег са спаткання, не заплаціўшы за вячэру. Ці павінна дзяўчына аплачваць увесь рахунак?11

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку32

Трамп і Пуцін абмяркоўвалі вайну ва Украіне1

Інфапункты для беларусаў за мяжой створаць у Вільні, Варшаве і Познані. Колькі ў іх будзе супрацоўнікаў і хто стане плаціць заробкі?6

Украіна трэці раз з пачатку тыдня атакавала Крымскі мост1

Карціна Ван Гога прададзена з аўкцыёну за рэкордныя 190,4 мільёна даляраў2

Як згуляць у GTA 6, калі жывеш у Беларусі3

З 1 студзеня днём рух грузавікоў па МКАД плануюць забараніць

Трамп і Пуцін сустрэліся на палях саміта АЦЭС3

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць