У чэрвені пачнецца рэканструкцыя гістарычных будынкаў у Лошыцкім парку
У чэрвені плануюць пачаць рэканструкцыю трох гістарычных будынкаў у межах Лошыцкага парку. Фасады абяцаюць захаваць, а што ўнутры?
Гаворка пра будынкі на вуліцы і ў праездзе Чыжэўскіх.
Цяпер праектная дакументацыя праходзіць дзяржаўную экспертызу, вырашаюцца заўвагі, якія ўжо паступілі, паведаміў агенцтву «Мінск-Навіны» дырэктар КУП «Мінская спадчына» Аляксандр Кохан.
Па яго словах, першапачатковая канцэпцыя часткова змянілася і цяпер дапрацоўваецца заказчыкам разам з праекціроўшчыкамі і арганізацыяй, што будзе эксплуатаваць праект у будучыні.
«Арганізацыяй, што далей будзе эксплуатаваць праект, вызначылі гатэль «Еўропа». Таму ў адным з будынкаў будуць прадугледжаныя памяшканні міні-гатэля. У астатніх будуць аб'екты грамадскага харчавання, таксама захаваюцца залы для правядзення ўрачыстай цырымоніі шлюбу, — адзначыў дырэктар «Мінскай спадчыны». — Раней ішла гаворка пра раённы аддзел ЗАГС, але такая ўстанова мае на ўвазе не толькі рэгістрацыю шлюбаў, але і іншую працу персаналу: выдачу даведак, сведчанняў і іншае. Цяпер вырашылі, што ў абноўленым аб'екце любы раённы ЗАГС сталіцы ці нават рэспублікі зможа праводзіць выязныя ўрачыстыя цырымоніі — як унутры будынкаў, так і на прылеглай тэрыторыі».
Што тычыцца знешняга аблічча гістарычных будынкаў, то ён застанецца ранейшым. Фасады гісторыка-культурных каштоўнасцяў рэстаўруюць з удзелам навуковага кіраўніка, таму характэрныя архітэктурныя элементы будынкаў захаваюць або адновяць. А вось планіроўкі, улічваючы функцыянальнае прызначэнне памяшканняў, памяняюцца.
Кохан дадаў, што цяпер разглядаецца варыянт добраўпарадкавання вялікай тэрыторыі паміж будынкам №17 на вул. Чыжэўскіх і будынкам №5 у праездзе Чыжэўскіх. Вырашаецца пытанне аб напаўненні прасторы малымі архітэктурнымі формамі: гэта можа быць фантан, скульптурныя кампазіцыі ці нешта іншае. А плошча тэрыторыі дазволіць выкарыстоўваць яе не толькі для правядзення цырымоній шлюбу, але і для гарадскіх мерапрыемстваў, магчыма, з выязным гандлем або кірмашамі.
-
Ездзілі летам да бабулі ў вёску? Конкурс «Вікі любіць вёскі» збірае любыя здымкі 23 тысяч мястэчак, вёсак і хутароў Беларусі
-
Веткаўскую калекцыю чаканных акладаў на абразы ўпершыню прадставяць у Нацыянальным мастацкім музеі
-
У Магілёве са свайго месца знікла чэхаўская «Дама з сабачкам». Што з ёй будзе
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў7
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары
вось такая была - holiday.by/blog/33220 - бела-чырвоная
вось такая стала - planetabelarus.by/sights/loshitskaya-usadba-v-minske/ - адценне зялёнага (зялёнкавага) даху абсалютна не спалучаецца з адценнем (хакі) аздаблення на фасадзе