Пракурор патрабуе Пракоп'еву пакаранне ў выглядзе 25 гадоў пазбаўлення волі
Пракурор 6 чэрвеня зачытаў абвінавачанне Вадзіму Пракоп'еву, а таксама запытаў тэрміны для абвінавачаных па так званай «справе Гайдукевіча», як піша «Мінская праўда».
Пракурор запытаў для Пракоп'ева 25 гадоў узмоцненага рэжыму, з іх 5 гадоў турмы. Акрамя таго, Пракоп'ева, як і іншых фігурантаў справы, прапануюць пазбавіць усіх воінскіх званняў.
Крымінальная справа ў дачыненні да Вадзіма Пракоп'ева разглядалася ў завочнай вытворчасці.
Сяргею Лісоўскаму і Паўлу Чыхінскаму абвінаваўца запытаў па 20 гадоў, Уладзіміру Савянкову — 17 гадоў, Сяргею Сакалову — 14 гадоў і штраф у памеры 700 базавых велічынь. Вользе Петух і Мікалаю Рою — 13 і 12 гадоў узмоцненага рэжыму адпаведна. Паўлу Чыхінскаму і Дзянісу Філончыку — 9 гадоў узмоцненага рэжыму, Пятру Юркевічу — 9 гадоў агульнага рэжыму.
У Мінскім гарадскім судзе ўжо чатыры месяцы ідзе суд па гучнай крымінальнай справе ў тым ліку за спробу нібыта падпалу дома Алега Гайдукевіча ў чэрвені 2021 года.
Справу паводле 14 артыкулаў Крымінальнага кодэкса разглядае Сяргей Хрыпач, дзяржаўнае абвінавачанне падтрымлівае Максім Чупрыс.
Па справе праходзяць 18 абвінавачаных. Гэта Вадзім Пракоп'еў, Дзяніс Хаміцэвіч, Ігар Чамякін, Віталь Вайцяховіч, Настасся Вайцяховіч, Уладзіслаў Вайцяховіч, Вольга Вайцяховіч, Сяргей Лісоўскі, Аляксей Міхайлаў, Дзмітрый Невяркевіч, Эдуард Пястрак, Вольга Пятух, Мікалай Рой, Уладзімір Савянкоў, Сяргей Сакалоў, Дзяніс Філончык, Павел Чыхінскі і Пётр Юркевіч. З іх 15 чалавек знаходзяцца пад вартай.
Цяпер чытаюць
Міліцыя затрымала таго самага расійскага турыста, які кінуў недакурак на вуліцы. Заўтра суд28
Каментары