Prakuror patrabuje Prakopjevu pakarańnie ŭ vyhladzie 25 hadoŭ pazbaŭleńnia voli
Prakuror 6 červienia začytaŭ abvinavačańnie Vadzimu Prakopjevu, a taksama zapytaŭ terminy dla abvinavačanych pa tak zvanaj «spravie Hajdukieviča», jak piša «Minskaja praŭda».
Prakuror zapytaŭ dla Prakopjeva 25 hadoŭ uzmocnienaha režymu, ź ich 5 hadoŭ turmy. Akramia taho, Prakopjeva, jak i inšych fihurantaŭ spravy, prapanujuć pazbavić usich voinskich zvańniaŭ.
Kryminalnaja sprava ŭ dačynieńni da Vadzima Prakopjeva razhladałasia ŭ zavočnaj vytvorčaści.
Siarhieju Lisoŭskamu i Paŭłu Čychinskamu abvinavaŭca zapytaŭ pa 20 hadoŭ, Uładzimiru Saviankovu — 17 hadoŭ, Siarhieju Sakałovu — 14 hadoŭ i štraf u pamiery 700 bazavych vieličyń. Volzie Pietuch i Mikałaju Roju — 13 i 12 hadoŭ uzmocnienaha režymu adpaviedna. Paŭłu Čychinskamu i Dzianisu Fiłončyku — 9 hadoŭ uzmocnienaha režymu, Piatru Jurkieviču — 9 hadoŭ ahulnaha režymu.
U Minskim haradskim sudzie ŭžo čatyry miesiacy idzie sud pa hučnaj kryminalnaj spravie ŭ tym liku za sprobu nibyta padpału doma Aleha Hajdukieviča ŭ červieni 2021 hoda.
Spravu pavodle 14 artykułaŭ Kryminalnaha kodeksa razhladaje Siarhiej Chrypač, dziaržaŭnaje abvinavačańnie padtrymlivaje Maksim Čuprys.
Pa spravie prachodziać 18 abvinavačanych. Heta Vadzim Prakopjeŭ, Dzianis Chamicevič, Ihar Čamiakin, Vital Vajciachovič, Nastaśsia Vajciachovič, Uładzisłaŭ Vajciachovič, Volha Vajciachovič, Siarhiej Lisoŭski, Alaksiej Michajłaŭ, Dźmitryj Nieviarkievič, Eduard Piastrak, Volha Piatuch, Mikałaj Roj, Uładzimir Saviankoŭ, Siarhiej Sakałoŭ, Dzianis Fiłončyk, Pavieł Čychinski i Piotr Jurkievič. Ź ich 15 čałaviek znachodziacca pad vartaj.
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES27
Kamientary