10 чэрвеня ўкраінскія сілы вялі контрнаступальныя аперацыі як мінімум на чатырох участках фронту, як піша BBC са спасылкаю на зводку амерыканскага Інстытута вывучэння вайны (ISW).
Расійскія крыніцы паведамлялі пра актыўнасць украінцаў у Луганскай вобласці ў раёне Белагораўкі.
Афіцыйны прадстаўнік Усходняй групы войскаў УСУ палкоўнік Сяргей Чараваты адзначыў, што ўкраінскія войскі прасунуліся на 1400 метраў на нявызначаных участках бахмуцкага фронту, а расійскія блогеры паведамілі пра наступ украінскіх войскаў на паўночны захад і паўночны ўсход ад Бахмута.
Міністэрства абароны Расіі і іншыя расійскія крыніцы сцвярджалі, што ўкраінскія войскі праводзілі лакальныя атакі ў раёне мяжы Данецкай і Запарожскай абласцей, у прыватнасці ў раёне Вялікай Навасёлкі.
Геалакацыйныя кадры, апублікаваныя 10 чэрвеня, паказваюць на тое, што ўкраінскія сілы ў заходняй частцы Запарожскай вобласці дамагліся лакальных поспехаў падчас нападаў на паўднёвы захад і паўднёвы ўсход ад Арэхава, хоць расійскія блогеры працягваюць сцвярджаць, што расійскія сілы ў гэтым раёне паспяхова абараняюцца ад спробаў украінскага наступу, як піша ISW.
Цяпер чытаюць
Ці пагражае ўзлом акаўнта Мельнікавай тым, хто галасаваў на выбарах у Каардынацыйную раду? Адказвае Лібер2
Каментары
якая яшчэ краіна можа дазволіць сабе інстытут вывучэння вайны?