Сілы абароны Украіны пачалі «контрнаступальныя дзеянні» супраць расійскіх войскаў, сказаў прэзідэнт Украіны Уладзімір Зяленскі, адказваючы на пытанне карэспандэнткі выдання «Суспільне новини» падчас сумеснай з прэм'ер-міністрам Канады Джасцінам Трудо прэс-канферэнцыі ў Кіеве.
У прыватнасці, карэспандэнтка адзначыла, што вядучыя сусветныя выданні пішуць пра пачатак украінскага контрнаступлення, а ў сеціве мільгаюць фота і відэа баёў з удзелам новай тэхнікі, перададзенай Украіне заходнімі саюзнікамі. Акрамя таго, напярэдадні прэзідэнт Расіі Уладзімір Пуцін заявіў, што Украіна пачала контрнаступленне.
«Цікава, што Пуцін сказаў пра наша контрнаступленне. Важна, што Расія адчувае гэта заўсёды, што ім нядоўга засталося, на маю думку», — адзначыў Зяленскі.
Пасля таго прэзідэнт Украіны пацвердзіў, што ўкраінскія сілы абароны вядуць контрнаступленне супраць расійскіх войскаў.
«Контрнаступальныя дзеянні адбываюцца ва Украіне. На якой стадыі — я не буду казаць падрабязна. Лічу, што мы гэта ўсё будзем адчуваць», — падкрэсліў Зяленскі.
Таксама ён заклікаў давяраць толькі правераным і афіцыйным крыніцам інфармацыі.
«Я б не давяраў тым ці іншым тэлеграм-каналам. Асабліва Пуціну. Давяраць трэба нашым вайскоўцам. Я штодня на сувязі з нашымі камандуючымі: Сырскім, Тарнаўскім, Маскалёвым, Наевым, Залужным. Усе настроеныя пазітыўна. Так і перадайце Пуціну», — падсумаваў Зяленскі.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары
Прынамсі ня горш чым пры вызваленні Харкаўшчыны і часткі Хэрсоншчыны