«Кіберпартызаны» паведамілі пра кібератаку на Беларускі дзяржаўны ўніверсітэт
«Кіберпартызаны» паведамілі, што здзейснілі кібератаку на інфармацыйныя рэсурсы Беларускага дзяржаўнага ўніверсітэта. Паводле іх, «ад наступстваў кібератакі БДУ не адновіцца яшчэ доўга».
Як сцвярджаюць «Кіберпартызаны», яны нанеслі па сістэме наступныя ўдары:
- вывелі з ладу дамен-кантролеры;
- зашыфравалі працоўныя станцыі;
- выпампавалі больш за 3 тэрабайты даных, выдалілі базы супрацоўнікаў, студэнтаў, абітурыентаў;
- зачысцілі ўсю бухгалтэрыю, воблачныя сэрвісы, пошты, файлаабменнікі;
- знішчылі бэкапы;
- усе сайты bsu.by недаступныя.
Прычынай кібератакі канкрэтна на гэтую ўстанову стаў выхад «пакаяннага» відэа са студэнтам, якое знялі ў БДУ. Гэтым актам «Кіберпартызаны» пасылаюць сігнал: «Дзейнічаеце як карнікі — атрымліваеце як карнікі».
Акрамя таго, «Кіберпартызаны» выказваюць гатоўнасць адправіць адмінам БДУ выпампаваныя ў іх звесткі ў абмен на вызваленне 50-ці палітвязняў.
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Каментары