«Kibierpartyzany» paviedamili pra kibierataku na Biełaruski dziaržaŭny ŭniviersitet
«Kibierpartyzany» paviedamili, što ździejśnili kibierataku na infarmacyjnyja resursy Biełaruskaha dziaržaŭnaha ŭniviersiteta. Pavodle ich, «ad nastupstvaŭ kibierataki BDU nie adnovicca jašče doŭha».
Jak śćviardžajuć «Kibierpartyzany», jany nanieśli pa sistemie nastupnyja ŭdary:
- vyvieli z ładu damien-kantrolery;
- zašyfravali pracoŭnyja stancyi;
- vypampavali bolš za 3 terabajty danych, vydalili bazy supracoŭnikaŭ, studentaŭ, abituryjentaŭ;
- začyścili ŭsiu buchhałteryju, vobłačnyja servisy, pošty, fajłaabmieńniki;
- źniščyli bekapy;
- usie sajty bsu.by niedastupnyja.
Pryčynaj kibierataki kankretna na hetuju ŭstanovu staŭ vychad «pakajannaha» videa sa studentam, jakoje źniali ŭ BDU. Hetym aktam «Kibierpartyzany» pasyłajuć sihnał: «Dziejničajecie jak karniki — atrymlivajecie jak karniki».
Akramia taho, «Kibierpartyzany» vykazvajuć hatoŭnaść adpravić adminam BDU vypampavanyja ŭ ich źviestki ŭ abmien na vyzvaleńnie 50-ci palitviaźniaŭ.
Kamientary