Неймаверна, але факт. У Мінску праязны на адзін від транспарту каштуе даражэй, чым на тры віды. Як такое можа быць
Днямі расказвалася, што праязны на ўсе шэсць відаў гарадскога грамадскага транспарту ў Мінску падаражэў і цяпер каштуе больш за 100 рублёў (а дакладней — 102,24 рубля). Але гэта яшчэ не ўсе цуды. Праязны на адзін від транспарту каштуе даражэй, чым на два і нават на тры віды, як піша Blizko.by.
Гаворка ідзе пра сумешчаныя праязныя: наземны транспарт ад «Мінсктранса» плюс электрычкі так званых «гарадскіх ліній» ад БЧ. Пасля павышэння тарыфаў на праезд на цягнікі праязны толькі на гарадскія электрычкі каштуе даражэй, чым праязны на тыя ж гарадскія электрычкі плюс яшчэ адзін-два віды транспарту.
Глядзім тарыфы.
На 3 сутак
- 1 від транспарту (гарадскія лініі): 15,61 рубля
2 віды транспарту («аўтобус — гарадскія лініі», або «тралейбус — гарадскія лініі», або «трамвай — гарадскія лініі»): 15,43 рубля
На 5 сутак
- 1 від транспарту (гарадскія лініі): 20,07 рубля
- 2 віды транспарту («аўтобус — гарадскія лініі», або «тралейбус — гарадскія лініі», або «трамвай — гарадскія лініі»): 19,67 рубля
- 2 віды транспарту («метро — гарадскія лініі»): 19,99 рубля
- 3 віды транспарту («аўтобус — тралейбус — гарадскія лініі», або «аўтобус — трамвай — гарадскія лініі», або «тралейбус — трамвай — гарадскія лініі»): 19,92 рубля
На 10 сутак
- 1 від транспарту (гарадскія лініі): 33,45 рубля
- 2 віды транспарту («аўтобус — гарадскія лініі», або «тралейбус — гарадскія лініі», або «трамвай — гарадскія лініі»): 32,61 рубля
- 2 віды транспарту («метро — гарадскія лініі»): 33,14 рубля
- 3 віды транспарту («аўтобус — тралейбус — гарадскія лініі», або «аўтобус — трамвай — гарадскія лініі», або «тралейбус — трамвай — гарадскія лініі»): 32,90 рубля
- 3 віды транспарту («аўтобус — метро — гарадскія лініі», або «тралейбус — метро — гарадскія лініі», або «трамвай — метро — гарадскія лініі»): 33,31 рубля
І толькі пачынаючы з 20-сутачных праязных картка на 1 від (гарадскія лініі) будзе абыходзіцца танней, чым на 2 віды.
Па правілах, калі пасажыр купляе праязны на аўтобус — тралейбус — трамвай, то яму таксама дастаецца права ездзіць і на аўтобусах-экспрэсах. Атрымліваецца, што праязны на 1 від (гарадскія лініі) цяпер толькі на 47 капеек таннейшы (або на 1,4%), чым на 5 відаў (аўтобус, тралейбус, трамвай, аўтобус-экспрэс, гарадскія лініі)!
Імаверна, пасля падаражэння праезду ў астатнім гарадскім транспарце («Мінсктранс» і «Мінскі метрапалітэн») суадносіны цэн на праязныя білеты стануць звыклымі: чым больш відаў транспарту — тым даражэй.
Каментары