Нерухомасць

Домікі на беразе. Глядзім недарагія варыянты каля Нарачы, Свіцязі і Свіры

Можна ўсё жыццё выношваць мару пра дачу каля мора, але так і не рэалізаваць яе. Realt прапануе прыгледзецца да нерухомасці на беразе нашых азёр — дамы, якія самі па сабе каштуюць нядорага, але месца вызначае іх каштоўнасць.

Свір, Мядзельскі напрамак, 154 км ад МКАД

Гарадскі пасёлак стаіць на беразе возера Свір. Побач — Блакітныя азёры, Нарач. Дом тут у крокавай даступнасці ад берага.

Дом драўляны, абкладзены цэглай. Агульная плошча — 64,9 кв. м. Вада — калодзеж з помпай, газ на ўчастку, падведзены да дома.

На ўчастку (20 сотак) знаходзяцца лазня, два хлявы і сад з пладаноснымі дрэвамі.

Гэты варыянт каштуе 14 000 даляраў.

Папоўцы, Мядзельскі напрамак, 155 км ад МКАД

Вёска знаходзіцца на тэрыторыі біясфернага нацыянальнага парку «Нарачанскі», проста на беразе возера Малыя Швакшты. Вакол дома на многія кіламетры раскінуўся лес, у сезон багаты на грыбы і ягады. У радыусе 3-9 км размешчаны парк «Блакітныя азёры».

Тут прадаецца дом на 57 кв. м. У ім 3 пакоі, кухня, сталовая, ванны пакой з прыбіральняй, веранда.

Ацяпленне паравое, з цёплай падлогай на кухні і радыятарамі ў спальнях. Халодная і гарачая вада праведзеная ў дом, каналізацыя мясцовая. На кухні — балонны газ. Ёсць тэлефон, інтэрнэт.

Памер участка — 25 сотак. На ім знаходзяцца гаспадарчыя пабудовы і лазня. За ўсё гэта просяць 14 000 даляраў.

Парэчча, Брэсцкі напрамак, 144 км ад МКАД

Вёска невялікая, ціхая, побач з маляўнічым возерам Свіцязь.

Ацяпленне пячное, вада са студні.

Да дома прыкладаецца вялікі ўчастак на 80 сотак з садам, недабудаваным домам, двума гаражамі і склепам. Цана — 8 000 даляраў.

Ярошычы, Брэсцкі напрамак, 139 км ад МКАД

Вёска знаходзіцца ў баку ад трасы, месца спакойнае і ціхае, з брукаванай вуліцай. За два кіламетры праз лес — возера Свіцязь.

Дом драўляны, на 56 «квадратаў». Усярэдзіне абабіты дрэвам. Пару гадоў таму пераклалі рускую печ і зрабілі ляжанку — усё працуе. Маецца сучасная мэбля.

Побач з домам растуць высокія елкі, ёсць пладовыя дрэвы. На ўчастку ў 25 сотак знаходзяцца альтанка, гасцявая хатка, невялікая сажалка з рыбкамі, летні душ. За ўсё гэта просяць не так ужо і шмат — 5700 даляраў.

Гатавічы, Мядзельскі напрамак, 140 км ад МКАД

Месца ўнікальнае: знаходзіцца паміж двух самых вядомых беларускіх азёр Нарач і Мястра.

Дом драўляны, абкладзены цэглай. 

У астатнім жа гэта класічны вясковы дом — з пячным ацяпленнем і вадой са студні. Па вуліцы праходзіць газ, таму яго можна зрабіць больш камфортным.

Памер участка — 24 соткі. Цана такога варыянта — 23 000 даляраў.

Каментары

Цяпер чытаюць

Еўрасаюз рыхтуе поўную забарону аперацый з беларускімі банкамі6

Еўрасаюз рыхтуе поўную забарону аперацый з беларускімі банкамі

Усе навіны →
Усе навіны

Каханне, здрада і мядовы месяц. Жанчыну ў Індыі арыштавалі за забойства мужа адразу пасля вяселля1

Гурт «Дразды» пакідае сцэну і вінаваціць у гэтым «гіперактыўных блогераў»9

Дзяржаўныя каналы Беларусі выдаюць сутычкі ў Лос-Анджэлесе за «разгон мітынгоўцаў»5

У Гомелі мужчына дапамог данесці хворага да машыны хуткай дапамогі, а ў працэсе абакраў яго1

РПЦ асвяціла харугву ГУБАЗіКа ФОТАФАКТ4

Ізраіль афіцыйна прызнаў, што перадае Украіне сістэмы СПА

«Выйшла ў лес, крычала і плакала». Палітзняволеная расіянка з вокладкі «КП» расказала пра сваё зняволенне і дэпартацыю2

За здымкі на вакзале ў віцебскім СІЗА трымаюць аршанца Яўгена Бодрыкава2

«Праца цяжкая, але плён натхняе». Сёлетні клубнічны сезон працягнецца даўжэй, чым звычайна

больш чытаных навін
больш лайканых навін

Еўрасаюз рыхтуе поўную забарону аперацый з беларускімі банкамі6

Еўрасаюз рыхтуе поўную забарону аперацый з беларускімі банкамі

Галоўнае
Усе навіны →

Заўвага:

 

 

 

 

Закрыць Паведаміць