У Гомелі зноў рамантуюць ганак аблвыканкама. На яго папярэдні рамонт патрацілі 400 тысяч даляраў
Улады абласнога цэнтра за апошнія гады пабудавалі прыбіральню за мільён даляраў, мачту для сцяга за паўмільёна, адрамантавалі ганак аблвыканкама за $400 тысяч.
Чытачы «Радыё Свабода» прыслалі відэа, на якім відаць чарговыя рамонтныя работы на ганку Гомельскага аблвыканкама.
«Гэты скандальны ганак рамантавалі ў 2015 годзе за вялізныя грошы. Зрабілі там падагрэў і падсвечванне. Цяпер зноў рамонт? За чые грошы банкет?» — запытаўся чытач.
На сайце дзяржаўных закупак у маі 2023 года быў абвешчаны тэндар на рамонт ганка аблвыканкама. З тэндара вынікала, што на «дэмантаж і рамонт 142,5 кв. м гранітнай абліцоўкі» ганка патрэбна 105 тысяч рублёў (больш за 35 тысяч даляраў). На 11 ліпеня на сайце дзяржаўных закупак напісана, што тэндар не адбыўся. Але рамонт ганка ідзе.
У 2015 годзе ганак аблвыканкама ў Гомелі ўжо рамантавалі. Тады на гэта выдаткавалі 400 тысяч даляраў. Першапачатковы кошт рамонту ўказвалі ў эквіваленце мільёна даляраў. Гэта выклікала абурэнне ў грамадскасці і медыя. У выніку рамонт каштаваў 400 тысяч.
За гэтыя грошы «зменшылі стромкасць схілаў ганка шляхам пабудовы падпорных сценак», пабудавалі сістэму адвядзення дажджавой вады, зрабілі падагрэў і «ландшафтнае падсвечванне». Падсвяцілі не толькі ганак, але і ялінкі каля яго.
Сам ганак зрабілі гранітным.
Першага намесніка гендырэктара «Белвеста» пасадзілі на тры з паловай гады за палітыку5
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары