У арыгінальным рэцэпце шакшукі асноўныя складнікі — гэта яйкі і памідоры. Але печаныя памідоры, хоць яны і карысныя, падабаюцца не ўсім. Існуе і альтэрнатыўная версія — для людзей, якім больш даспадобы шпінат. Такая шакшука атрымаецца менш кіслай і больш далікатнай.
Спатрэбіцца:
- 2 сталовыя лыжкі аліўкавага ці любога іншага, на ваш густ, алею,
- 2 сталовыя лыжкі масла,
- 400 г лісця шпінату,
- 2 зубчыкі часнаку,
- 0,5 шклянкі смятаны 18%,
- 3 яйкі,
- 0,5 упакоўкі сыру фета,
- 1 дробка солі,
- 1 дробка перцу,
- 1 дробка мускатнага арэху,
- 1 жменя грэцкіх арэхаў.
Гатаванне:
- Пачысціце зубчыкі часнаку і дробна іх нарэжце.
- Разагрэйце на патэльні дзве сталовыя лыжкі масла. Дадайце дзве сталовыя лыжкі аліўкавага або любога іншага алею.
- Абсмажце на патэльні часнок. Памешвайце, пакуль часнок не стане глазураваным, але не дайце яму занадта моцна падрумяніцца.
- Дадайце ў патэльню лісце шпінату і пачакайце, пакуль яно трохі згатуецца. У выніку тэрмічнай апрацоўкі гэтая гародніна страціць аб'ём і стане мякчэйшай.
- Калі лісце шпінату перастане нагадваць свой ранейшы варыянт, дадайце ў патэльню смятану, трохі вады і спецыі: соль, перац і мускатны арэх. Перамяшайце ўсе складнікі. Патушыце некаторы час, не накрываючы патэльню накрыўкай.
- Наступны крок можна зрабіць двума спосабамі.
— Пасуньце інгрэдыенты на патэльні, каб вызваліць месца для яек. Разбіце іх, пасыпце соллю і перцам, накрыйце і дайце бялку і жаўтку трохі застыць, пакінуўшы жаўток злёгку вадкім. Калі страва будзе гатовая, пасыпце яе здробненымі арэхамі і падавайце проста ў патэльні.
— Другі варыянт прадугледжвае выкарыстанне гарачатрывалага посуду. Менавіта ў яго кладзём тушаны шпінат са спецыямі. Зрабіце ў шпінаце тры паглыбленні і разбіце ў іх яйкі. Пасыпце страву сырам фета і пастаўце ў разагрэтую да 180 градусаў духоўку. Шакшука са шпінатам павінна правесці ў духоўцы каля чвэрці гадзіны, пакуль яйкі не схопяцца — настолькі, наколькі вам падабаецца. Гатовую шакшуку пасля вымання з духоўкі пасыпаць здробненымі грэцкімі арэхамі і падаваць.
Больш хуткіх і арыгінальных сняданкаў з яек:
Рэцэпт на выходныя: сонечная шакшука
Рэцэпт на выхадныя. Фрытата з салодкім перцам
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак7
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары
дайти угадаю.. завяушыя?