Абвешчаны збор фінансавай дапамогі для сям'і Марыны Кіявец. Яна з дзецьмі былі вымушаныя ўцякаць ад рэпрэсій
Шматдзетную маці неаднаразова затрымлівалі, судзілі і нават пагражалі «пасадзіць на бутэльку». У выніку Марына разам з дзецьмі былі вымушаныя з'ехаць у Польшчу.
«У Польшчы я пакуль не магу працаваць, бо малодшаму сыну не знайшлося месца ў дзіцячых садах, і я вымушаная быць з ім.
У сярэдняга ёсць падазрэнні на аўтызм, таму мы ўвесь час ездзім да псіхолагаў (сказалі, што гэта, магчыма, абвастрэнне на фоне псіхалагічных траўмаў, бо ў Беларусі ў нас не было такіх дыягназаў). У дзіцяці дызартрыя, і мы мусім займацца з лагапедам.
Цяпер праходзім абследаванне ў напрамку выяўлення аўтызму, а гэта таксама нятанна.
Мне патрэбна дапамога з аплатай кватэры, пакуль я не магу выйсці на працу, і з аплатай абследавання дзіцяці», — піша Марына Кіявец.
Фінансавая дапамога сям'і Марыны Кіявец праз «Байсол»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары