29 лістапада прайшлі ўрачыстасці, прысвечаныя 197‑й гадавіне пераправы арміі Напалеона праз Беразіну.
29 лістапада прайшлі ўрачыстасці, прысвечаныя 197‑й гадавіне пераправы арміі Напалеона праз Бярэзіну.
У мерапрыемствах ушанавання памяці загінулых прымала ўдзел французская дэлегацыя на чале з паслом Французскай Рэспублікі Мірэй Мюсо, прадстаўнікі беларускіх уладаў і дыпламатычнага корпусу.
Урачыстасці прайшлі на месцы пераправы французскай арміі цераз Бярэзіну, дзе створаны мемарыял «Брылеўскае поле», а таксама на могілках вёскі Студзёнка, на якіх знаходзіцца брацкая магіла французскіх салдат, загінуўшых падчас падрыхтоўкі пераправы праз раку.
Здзіўляла пазітыўная атмасфера ўрачыстасцяў. Ніводзін з прамоўцаў не дазволіў сабе варушыць мінулае і шукаць вінаватых у той далёкай вайне.
Французы стрымана адзначалі, што агрэсарам ў 1812 годзе з’яўлялася Францыя, а прадстаўнікі мясцовай барысаўскай вертыкалі запэўнівалі прысутных, што і надалей будуць клапаціцца аб помніках салдатам французскага войска.
Напэўна, такое замірэнне магчымае толькі праз 200 год пасля сканчэння вайны. І нам яшчэ доўга чакаць ушанавання беларускімі ўладамі памяці аб загінулых нямецкіх жаўнерах.
Ушанаванне 197‑й гадавіны пераправы Напалеона праз Бярэзіну супала са сканчэннем дыпламатычнай місіі спадарыні Мюрэй Мюсо. Яна запэўніла ўсіх прысутных, што Беларусь застанецца ў яе памяці як краіна цудоўных людзей, а яна сама і далей будзе трымаць сувязь з Беларуссю і беларусамі.
25‑27 лістапада 1812‑га года войска Напалеона пераправілася цераз Бярэзіну, нягледзячы на спробы расійскіх войск спыніць армію. Падчас той пераправы загінула каля 30 тыс. салдат Напалеона. Тых, хто змог пераправіцца, чакалі не менш цяжкія выпрабаванні на шляху да Вільні.
Цяпер чытаюць
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары