«Спрабуем зрабіць як у Францыі». У Албаніі пяты дзень сутыкненні з паліцыяй, пратэстоўцы патрабуюць адстаўкі прэм’ера
Школьнікі і студэнты далучыліся да антыўрадавага руху, які пачаўся з пратэстаў супраць курортных праектаў, звязаных з зяцем Трампа Джарэдам Кушнерам. Цяпер удзельнікі патрабуюць адстаўкі Эдзі Рамы, датэрміновых выбараў і змен у адукацыі.
У суботу, 17 кастрычніка, у цэнтры Тыраны пяты дзень запар адбываліся сутыкненні дэманстрантаў з паліцыяй, піша BBC.
Пратэстоўцы ў масках кідалі камяні, піратэхніку і бутэлькі з запальнай сумессю ў паліцэйскіх каля Міністэрства адукацыі. Пазней асноўныя падзеі перамясціліся да офіса прэм’ера на галоўным бульвары сталіцы. Паводле BBC, людзей там сабралася значна больш, чым у папярэднія дні.
Паліцыя выкарыстоўвала вадамёты і слезацечны газ, з’явіліся таксама паведамленні пра прымяненне гумовых куль. Увечары да паліцэйскіх далучыўся спецназ.
Паводле паліцыі, арыштаваныя 167 чалавек, параненыя 132 паліцэйскія. Сем супрацоўнікаў адхілілі ад службы на час расследавання магчымага перавышэння паўнамоцтваў.
«Мы былі мірнымі 135 дзён. Цяпер спрабуем зрабіць як у Францыі… спрабуем зрабіць рэвалюцыю», — сказаў BBC 19‑гадовы студэнт-медык, які падпрацоўвае электрыкам, каб аплачваць вучобу.
Студэнты выступаюць супраць высокіх выдаткаў на навучанне і дрэнных умоў адукацыі. У размовах з BBC яны падкрэслівалі, што не давяраюць «усяму карумпаванаму палітычнаму класу», уключаючы старую апазіцыю.
Рама адмаўляецца сыходзіць. Ён абвінавачвае ў беспарадках апазіцыйную Дэмакратычную партыю і неназваных замежных дзеячаў, якія нібыта хочуць сарваць уступленне Албаніі ў ЕС.
Амерыканская амбасада заклікала ўсе бакі да стрыманасці, заявіўшы, што «гвалт і знішчэнне маёмасці не з’яўляюцца грамадзянскай актыўнасцю».
Пратэсны рух, да якога цяпер далучыліся студэнты, атрымаў назву «рэвалюцыя фламінга». Ён узнік увесну на фоне планаў будаўніцтва элітных курортаў, звязаных з Джарэдам Кушнерам — зяцем прэзідэнта ЗША Дональда Трампа.
Праекты ахопліваюць востраў Сазан і ўзбярэжжа побач з ахоўнымі тэрыторыямі. Фламінга, якія там жывуць, сталі сімвалам пратэстаў. Мясцовыя жыхары і эколагі асцерагаюцца знішчэння прыродных тэрыторый, страты доступу да ўзбярэжжа і парушэння зямельных правоў.
Рама абараняе забудову як магчымасць развіваць турызм і эканоміку.
Паступова рух супраціву пашырыў патрабаванні: ад абароны прыроды і празрыстасці інвестыцыйных рашэнняў — да барацьбы з карупцыяй і адстаўкі ўрада.
Рама кіруе Албаніяй з 2013 года. Яго Сацыялістычная партыя мае 83 са 140 месцаў у парламенце, а наступныя парламенцкія выбары запланаваныя толькі на 2029 год.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
А ў Францыі былі справакаваны перш за ўсё левымі пра-расейскімі сіламі
У ва што гэта пераўтварылася далей уже іншая гісторыя))
Палі майно, каб быдо цяплей - далёка на такім іэсаджэ не паедзеш)))