Размова не пра асноўныя пункты пропуску.
У адказ на прыезд у Беларусь наймітаў з ПВК «Вагнер» Літва плануе закрыць два з шасці пунктаў пропуску, пацвердзіў у пятніцу намеснік міністра ўнутраных спраў Літвы Арнольдас Абрамавічус, піша BNS.
«У найбліжэйшы час будзе прынята рашэнне аб закрыцці двух пагранічных кантрольна-прапускных пунктаў. Калі сёння ў Польшчы практычна ёсць адзін кантрольна-прапускны пункт, то ў нас іх шэсць. Гэта адна з прафілактычных мер — скарачэнне з шасці кантрольна-прапускных пунктаў да чатырох», — сказаў Абрамавічус.
Плануецца закрыць пункты пропуску «Шумскас» («Лоша» з беларускага боку) і «Цвярачус» (з беларускага боку — «Відзы»).
Намеснік кіраўніка Дзяржаўнай памежнай службы Літвы Саўлюс Некрашавічус заявіў у пятніцу, што закрыццё часткі дзейных памежных пунктаў на мяжы з Беларуссю знізіць рызыку сутыкнення з пагрозамі.
«Калі мы памяншаем колькасць інцыдэнтаў, якія адбываюцца, то адначасова памяншаем і пагрозы», — сказаў ён.
Па словах чыноўніка, пункты, якія плануюць закрыць, адрозніваюцца абмежаванай здольнасцю прапускаць транспартныя сродкі і людзей.
Ён патлумачыў, што там праходзяць не ўсе транспартныя сродкі, гэта абумоўлена інфраструктурай дарог, пунктаў.
«Суседзі-палякі не раз закрывалі памежныя кантрольна-прапускныя пункты, цяпер у іх дзейнічае адзін міжнародны аўтамабільны памежны пункт і тры ці чатыры чыгуначныя памежныя пункты», — сказаў Некрашавічус.
Цяпер чытаюць
Начальнік крымінальнага вышуку МУС бачыў прагулачны дворык СІЗА КДБ з акна свайго кабінета, а потым сам стаў вязнем4
Каментары