Грамадства1818

42-гадовы гарадзенец пакінуў радзіму пасля затрымання. І праз тыдзень не вытрывала сэрца

Дзяніс Швыркін быў тым чалавекам, які ў Гродне агучыў патрабаванні народа падчас найбольш масавага пратэсту ў гісторыі Беларусі, 16 жніўня 2020 года. Затрымання ў верасні 2023-га ён не вытрымаў.

Дзяніс Швыркін. Фота: ягоны фэйсбук

Дзяніс Швыркін скончыў Беларускі інстытут правазнаўства і каля дзесяці гадоў адпрацаваў у МТС, дарос там да пасады кіраўніка дылерскіх сетак па Гарадзеншчыне. Потым перайшоў у фірму «Сэрвіс М Лагістык» на пасаду начальніка спачатку аддзела продажаў, а пазней — аддзела па працы з кліентамі. Фірма займаецца грузаперавозкамі па Еўропе і Беларусі. Нейкі час быў індывідуальным прадпрымальнікам, пасля чаго перайшоў на працу ў Wildberries.

У 2020-м мужчына ўвайшоў у гродзенскую каманду Віктара Бабарыкі — апытанні паказвалі, што ён самы папулярны апанент Аляксандра Лукашэнкі. У жніўні 2020-га менавіта Швыркіна абралі «кіраўніком каардынацыйнай рады грамадскасці Гродна». Гэта ён у Гродне агучыў патрабаванні народа падчас найбольш масавага пратэсту ў гісторыі Беларусі, 16 жніўня 2020 года, са сцэны мітынгу на цэнтральнай плошчы горада.

Пасля Швыркін балатаваўся ў «Сход» — праект народнай альтэрнатывы лукашэнкаўскаму так званаму Усебеларускаму народнаму сходу. Ініцыятыва праіснавала нядоўга: яна была разгромленая сілавікамі, а частка яе былых дэлегатаў, сярод якіх і філосаф Уладзімір Мацкевіч, цяпер за кратамі.

Швыркін выкарыстоўваў любыя магчымасці для легальнай дзейнасці. Ён стаў членам аргкамітэта па стварэнні партыі «Разам», якую арганізоўвалі аднадумцы Віктара Бабарыкі.

У верасні 2023-га Швыркіна затрымалі за «распаўсюд экстрэмісцкіх матэрыялаў» — «экстрэмісцкімі матэрыяламі» лукашысты называюць любыя непадкантрольныя ім СМІ, каналы, блогі. Мужчыну выпусцілі з вялікім штрафам — пасля гэтага ён выехаў з Беларусі.

Каля тыдня таму Дзяніс Швыркін перабраўся ва Уроцлаў. У фэйсбуку ён напісаў шчымлівы пост з гэтай нагоды.

Скрыншот са старонкі Дзяніса Швыркіна — ягоны апошні пост

Уначы з 23 на 24 верасня ён раптоўна памёр. Знаёмы мужчыны расказаў «Нашай Ніве», што, па звестках сяброў, не вытрымала сэрца. 

«Наша Нiва» — бастыён беларушчыны

ПАДТРЫМАЦЬ

Каментары18

  • Вечная память
    24.09.2023
    Новая жертва режима.
    Таких людей, которые погибают, офис Тихановской не включает ни в какую статистику.
    У офиса стабильная цифра 1500 политзаключенных.
  • беларус
    24.09.2023
    [Рэд. выдалена]
  • Самуіл Плаўнік
    24.09.2023
    Спачуванні...
    Як боляча ад такіх навін...

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай24

«Дзякуй жанчынам, якія дачакаліся». Tor Band паказалі сваю першую рэпетыцыю3

55‑гадовага прадпрымальніка асудзілі за палітыку: ён штодня спрачаўся з ватнікамі ў Z‑чатах10

У тэатры імя Горкага працягваецца капітальны рамонт. Як зменіцца будынак ФОТА1

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця9

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць