Апошні аўтобус з Нагорнага Карабаха прыбыў у Горыс (Арменія) 1 кастрычніка з 15 пасажырамі, паведаміў карабахскі амбудсмен Гегам Сцепанян.
«Невялікая група адданых сваёй справе людзей сачыла за сотнямі сігналаў і хадзіла ад дома да дома, каб эвакуяваць бездапаможных людзей», — сказаў Сцепанян, заклікаўшы ўсіх, у каго ёсць інфармацыя аб адзінокіх або бездапаможных людзях, якія засталіся ў Нагорным Карабаху, звязацца з Міжнародным камітэтам Чырвонага Крыжа.
Прэс-сакратар прэм'ер-міністра Арменіі Назелі Багдасаран паведаміла на прэс-канферэнцыі, што па стане на 20:00 1 кастрычніка ў Арменіі ўжо знаходзяцца 100 514 вымушаных перасяленцаў з Нагорнага Карабаха. На пачатак 2023 года ў непрызнанай рэспубліцы былі зарэгістраваныя 120 тысяч чалавек.
19 верасня армія Азербайджана атакавала Нагорны Карабах, Расія, якая давала гарантыі бяспекі, гэта праігнаравала, Ерэван палічыў за лепшае не ўмешвацца, і на наступны дзень Нагорны Карабах капітуляваў.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары