Паўтара лімона, вараная курыная ножка, расольнік: якую ежу беларусы аддаюць задарма незнаёмцам
Фудшэрынг у Мінску: паглядзелі ў тэматычнай суполцы, якой ежай жыхары сталіцы гатовы падзяліцца бясплатна.
Тэрмін фудшэрынг паходзіць ад англійскіх слоў food (ежа) і share (дзяліцца). Гэта з'ява зарадзілася як спосаб прадухілення ўтварэння харчовых адкідаў у Германіі і з'яўляецца праявай эканомікі сумеснага спажывання. «УКантакце» ўжо некалькі гадоў існуе суполка «Фудшэрынг. Аддам дарма ежу. Мінск», дзе налічваецца больш за 18 тысяч чалавек.
Адміністратары суполкі папярэджваюць:
«Калі ў вас ёсць сумневы ў прыдатнасці прадукту да ўжывання, адважна адпраўляйце яго ў смеццевае вядро! Гэта датычыцца і тых, хто раздае ежу, і тых, хто забірае. Памятайце, толькі вы несяце адказнасць за сваё здароўе і за сваё жыццё!»
Забараняецца аддаваць сапсаваныя прадукты, прадукты з даўно скончаным тэрмінам прыдатнасці (нават калі яны на выгляд засталіся такім ж, як пры куплі), алкаголь і лекі.
Самая верхняя аб'ява выклікала абурэнне: каментатарам падалося, што дзяўчына аддае пакет арэхаў разам са шкарлупінай. Але аўтарка хутка патлумачыла: арахіс насамрэч быў у абсыпцы сыр-бекон-васабі. А вось навошта было калоць такія арэхі арэхаколам, засталося загадкай.
Наступная дзяўчына, здаецца, вырашыла аддаць тое, што сама не вельмі любіць: напрыклад, салодкія шакаладныя шарыкі ад ёгуртаў (каля 10 запячатаных упаковак), соевы соус (тры чвэрці бутэлькі), шакаладку з манга і грэцкімі арэхамі (засталося прыкладна 60 грамаў з 80). Дарэчы, ахвотны забраць знайшоўся ўсяго праз 6 хвілін.
Шчаслівы ўладальнік кубка «За Беларусь» прапанаваў свежыя шпінат і кроп, манга, памідор, паўтара лімона, палову яблыка, адкрыты слоічак агуркоў (палова засталася), два перцы (адзін крыху пачаў псавацца), адну моркву і пармскую вяндліну ад Гродзенскага камбіната.
Восенню некаторыя праз паблік спрабуюць прыстроіць частку свайго ўраджаю: «Агуркі са свайго агарода. Скурку счысціце, усярэдзіне смачны».
Трэба адзначыць, што даволі часта ў суполцы аддаюць дарма закруткі мінулых гадоў, стравы, якія не атрымалася цалкам з’есці падчас застолля.
«Можа, нехта жыве побач і забярэ? Піцу заказвалі ўчора і не здужалі. Курыца таксама ўчора прыгатавана», — перажывае ўдзельніца пабліка.
«Аддам усё, што на фота, — піша адна гаспадыня — у пакеце шашлык і вараная курыная ножка (з нядзелі), кефір да 01.10, але смак нармальны, аладкі, тры штукі дайкона, суп расольнік (з нядзелі). Для супу вазьміце слоік (у мяне слоікаў няма)».
«Невядомая марская рыба, — паведамляе іншая жанчына. — Тры замарожаных і адна запечаная ў духоўцы».
Яшчэ адна вырашыла падзяліцца незвычайным дэсертам, але шчыра папярэджвае: «Малако, какава, цукар, агар-агар. Атрымаўся не моцна салодкі, але мне не спадабалася». На фота дэсерт выглядаў настолькі прывабна, што тыя, хто не паспеў яго забраць, сталі прасіць рэцэпт.
Рэліктавы лес, кібердамы, аздараўленчы турызм. Прадпрымальнік з Мінска з'ехаў у вёску і заснаваў там тры новыя бізнэсы
«Пакіну медыцыну і займуся сельскай гаспадаркай». Уладальнік салона прыгажосці расказаў, як паралельна займаецца фермерствам у вёсцы
«Дык, мабыць, яшчэ не сезон на іх? — Сезон!» На рынках нарэшце прыйшоў час на лісічкі
Цяпер чытаюць
Кіраўніка следчай групы па справе Tut.by пасадзілі на 14 гадоў3
Каментары
горкія паўтара лімона )