Александр Лукашэнка 24 кастрычніка праводзіў сустрэчу з моладзевым актывам. Яе прымеркавалі да 105-гадовага юбілею УЛКСМ і да 10-годдзя адкрыцця Палаца Незалежнасці, паведамляе яго прэс-служба.
На сустрэчу прыйшлі актывісты Беларускай рэспубліканскай піянерскай арганізацыі, Беларускага рэспубліканскага саюза моладзі, фіналісткі конкурсу «Міс Беларусь — 2023», ветэраны камсамольскага руху, пішуць дзяржаўныя СМІ.
Падчас сустрэчы Лукашэнка назваў, якое «знакавае» будаўніцтва чакае сталіцу.
Гэта «маштабны выставачны комплекс каля мінскай кальцавой дарогі. Па форме ён будзе выкананы ў выглядзе бусла, які ляціць. Гэты цэнтр патрэбны, каб людзі прыходзілі і ганарыліся дасягненнямі краіны», — піша лукашэнкаўская прэс-служба.
Цяпер чытаюць
На аўташоу ў Лідзе ледзь не загінуў адзін з самых знакамітых каскадзёраў Беларусі — яго відэа сабралі амаль паўмільярда праглядаў. Што з ім цяпер?3
Каментары