Беларускі генерал заявіў, што ў адказ на санкцыі Беларусь мае права са зброяй «прарубіць калідор» праз Літву
Першы намеснік дзяржсакратара Рады бяспекі Беларусі Павел Муравейка на ідэлагічным семінары, арганізаваным Мінгарвыканкамам, выступіў з ваяўнічымі заявамі.
Па словах Муравейкі, Беларусь мае ўсе падставы «прасекчы жыццёва важны калідор» праз Літву з дапамогай зброі, каб атрымаць доступ да транзіту тавараў. Тэзісы, агучаныя віцэ-сакратаром, апублікавала 24 кастрычніка газета «Вячэрні Мінск», піша reform.by.
«Літва фактычна забараніла нам перамяшчаць свае тавары праз мяжу. Па ўсіх нормах міжнароднага права такі крок адносіцца да эканамічнай агрэсіі. З пункту гледжання банальнай логікі мы маем усе падставы, каб прасекчы жыццёва важны для нас калідор сілай зброі. І ў іншых бы ўмовах нас бы ніхто ў свеце не асудзіў, смею меркаваць. Але не ў цяперашніх, калі на краіну аказваецца беспрэцэдэнтны ціск з боку Захаду», — заявіў Муравейка.
Генерал таксама прызнаў эканамічныя праблемы ў Беларусі:
«Не хачу казаць пра тое, што няма праблем ці ўсе яны лёгка пераадольваюцца. Ёсць пытанні з пастаўкай запчастак і пэўных рэсурсаў, са збытам прадукцыі. Часам узнікаюць праблемы з поўнай занятасцю супрацоўнікаў на месцах ці з выплатай заработнай платы. Гэта аб'ектыўная рэальнасць. Інфармацыя такога плана сістэмна даводзіцца да кіраўніцтва краіны і рэгіёнаў. У выніку дзяржаўныя органы маюць магчымасць прыняць неабходныя меры рэагавання, каб стабілізаваць сітуацыю і не дапусціць эканамічнага калапсу», — сказаў прадстаўнік Рады бяспекі.
Чытайце таксама:
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося33
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары
генералпетух.