«Пацыенты ў стабільным стане». У Салігорскай бальніцы расказалі аб пацярпелых у выніку здарэння на шахце «Беларуськалія»
Каментар галоўнага доктара Салігорскай цэнтральнай раённай бальніцы Аляксандра Кісяля наконт сітуацыі з гарнякамі, якія атрымалі траўмы ў выніку здарэння ў шахце, апублікавала ў сваім тэлеграм-канале Мінздароўя.
Аляксандр Кісель расказаў, што вечарам у бальніцу прывезлі пяцярых работнікаў ААТ «Беларуськалій». Ва ўсіх былі дыягнаставаныя пашкоджанні рознай ступені цяжкасці, атрыманыя ў выніку падзення з вышыні.
Пацыентам правялі неабходную дыягностыку і аказалі дапамогу.
Па распараджэнні міністра аховы здароўя для аказання кансультатыўнай і практычнай дапамогі дактарам у Салігорскую ЦРБ прыбылі спінальны хірург і траўматолаг-артапед РНПЦ траўматалогіі і артапедыі, а таксама траўматолаг Мінскай абласной бальніцы. Аднаму з пацыентаў спатрэбілася аперацыя па стабілізацыі паяснічнага аддзела хрыбетніка, якая была выканана ва ўмовах Салігорскай ЦРБ.
Зараз пацыенты ў стабільным стане, пад дынамічным наглядам профільных спецыялістаў.
Здарэнне на «Беларуськаліі» адбылося ўчора ўвечары. Там захрасла клець у шахтавым ствале № 3 на адзнацы мінус 445 метраў на тэрыторыі 2-га рудаўпраўлення. У клеці было пяць работнікаў прадпрыемства, якіх потым паднялі на паверхню.
Аднаго з работнікаў, 32-гадовага мужчыну, адразу шпіталізавалі, папярэдне дактары дыягнаставалі ў яго пашкоджанне хрыбта. Другі пацярпелы меў пералом хрыбта і канцавін. Пазней у салігорскую бальніцу даставілі і астатніх шахцёраў. Ва ўсіх былі цяжкія спалучаныя траўмы — пераломы ключыц, хрыбта, таза і ніжніх канцавін.
Туск заявіў пра гатоўнасць адкрыць Баброўнікі і Кузніцу з лістапада63
Каментары