Брытанцы падтрымалі допуск беларускіх і расійскіх атлетаў на Гульні-2024 ў нейтральным статусе
Цяпер рашэнне — за Міжнародным алімпійскім камітэтам.
Выканаўчы дырэктар Брытанскай алімпійскай асацыяцыі Эндзі Энсан заявіў, што БАА і ўся алімпійская зборная Вялікабрытаніі падтрымліваюць прысутнасць беларускіх і расійскіх спартоўцаў на Алімпійскіх гульнях 2024 гады ў Парыжы ў нейтральным статуце, піша Прессбол.
Энсан дадаў, што канчатковае рашэнне цалкам за Міжнародным алімпійскім камітэтам.
«Розніца паміж Токіа і Гульнямі ў Парыжы будзе відавочная. Любы прысутны расійскі або беларускі спартсмен будзе выступаць як незалежны, у нейтральным статусе. Такія бягучыя правілы, і мы задаволены гэтым.
Расійцам забаранілі ўдзельнічаць у шматлікіх міжнародных турнірах напярэдадні Парыжа, таму не так ужо шмат тых, хто зможа прайсці кваліфікацыю. Нават калі ў Парыжы будзе некалькі незалежных расійскіх спартоўцаў, мы чакаем, што іх будзе да 100 чалавек, а не тых 400, якія былі ў Токіа. Мы не хочам, каб спартсменаў увесь час каралі за канфлікты, якія адбываюцца па ўсім свеце, таму, як нацыянальная асацыяцыя, мы падтрымаем гэтае рашэнне», — заявіў Энсан у інтэрв'ю Sky Sports News.
Рашэнне аб тым, ці дапускаць спартсменаў з Расіі і Беларусі ў любым выглядзе да ўдзелу ў Гульнях налета, МАК яшчэ не прыняў.
Цяпер чытаюць
Рыта Дакота набыла дом за некалькі мільёнаў даляраў каля Галівуда5
Рыта Дакота набыла дом за некалькі мільёнаў даляраў каля Галівуда
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1515
Каментары