У аграгарадку ў Баранавіцкім раёне прадаюць катэдж за 1,27 млн рублёў. Што ў ім
Двухпавярховы катэдж з гаражом агульнай плошчай 653 кв. м (жылая плошча — 170 кв. м) з басейнам, мэбляй, бытавой тэхнікай прадаецца ў аграгарадку Сталовічы Баранавіцкага раёна. Абʼява размешчана на сайце Куфар.Нерухомасць.
На падлозе першага паверха пакладзена выключна іспанская і італьянская плітка, у спальнях — якасны ламінат высокай трываласці, гаворыцца ў абвестцы.
У катэджы тры санвузлы, ёсць вялікая тэраса і spa-зона: басейн плошчай у некалькі пакояў — 42 кв. м і сауна.
На другім паверсе — 5 спальняў і кабінет.
Участак — 15 сотак, на браме — званок з відэаназіраннем.
Цана катэджа — 1,27 млн рублёў (каля 400 тысяч даляраў).
Цяпер чытаюць
Бабарыка тры хвіліны адказваў на пытанне, чый Крым. Так і не адказаў89
Каментары