Венгерскі прэм'ер Орбан: Рускія не прайграюць, у Маскве не будзе палітычных пераменаў
Прэм'ер-міністр Венгрыі Віктар Орбан выказаўся наконт цяперашняй сітуацыі ў вайне Расіі і Украіны і стратэгіі Еўропы.
У відэа, якое выклаў у сацсетку X прадстаўнік урада Венгрыі Золтан Ковач, Орбан разважае, што Еўропа няправільна павяла сябе.
Ён згадвае, што калі ў 2014-м здарылася акупацыя Крыма, то Еўропа рашыла лакалізаваць і ізаляваць канфлікт.
«Мы адправілі нямецкага і французскага лідараў на перамовы, і мы дасягнулі Мінскага пагаднення, якое не рашыла, але ўрэгулявала сітуацыю», — сказаў ён.
Цяпер, адзначае Орбан, рашэнне было іншым — глабалізаваць канфлікт. Гэта дрэнна для ўсіх, пераконвае ён, — для Еўропы, Украіны, Расіі.
«Наша стратэгія была ў тым, што ўкраінцы будуць змагацца і мы выйграем на фронце. Расейцы праграюць на фронце. І гэта параза выкліча змены ў Маскве, там будзе новае кіраўніцтва, і мы зможам дамовіцца».
Орбан дадаў:
«Там, дзе мы цяпер знаходзімся, відавочна, што ўкраінцы не перамогуць на перадавой. На полі бою няма рашэння. Рускія не прайграюць. У Маскве не будзе палітычных пераменаў. Такая рэальнасць».
Чытайце таксама:
«Венгрыю ў ЕС ніхто не трымае». Барэль рэзка адказаў Орбану
Орбан заявіў, што хоча кіраваць Венгрыяй яшчэ 11 гадоў
Упершыню за амаль тры гады пасол краіны ЕС уручыла копіі даверчых грамат кіраўніку МЗС
Каментары