На тэрыторыі нашай краіны пачало працаваць першае прадстаўніцтва расійскага холдынгу.
Паведамляецца, што офіс VK у Беларусі — гэта прастора плошчай 400 м2, дзе размесцяцца 50 распрацоўшчыкаў з каманд Укантакце, дзэна і VK Tech.
15 працоўных месцаў адведзена пад модны сёння каворкінг, дзе змогуць працаваць супрацоўнікі VK з іншых гарадоў або госці офіса.
Сёння VK правядзе ў Мінску першае мерапрыемства — мітап (сустрэчу) VK IT Point для 300 спецыялістаў па ML, мабільных, фронтэнд – і бэкэнд-распрацоўшчыкаў узроўню middle і senior.
***
У прэс-службе VK паведамляюць, што месячная аўдыторыя Укантакце ў Беларусі — 2,8 млн чалавек: больш за ўсё карыстальнікаў — у Мінску, на другім месцы — Гомель, на трэцім — Віцебск. Прычым штодня 1,3 млн карыстальнікаў у краіне глядзяць стужку навін Укантакце.
Аднакласнікамі ў Беларусі кожны месяц карыстаецца 2,3 млн чалавек.
Штомесяц у пошту mail.ru заходзіць больш за 2 млн чалавек, а воблакам карыстаецца больш за 1 млн чалавек.
Месячная аўдыторыя Dzen — 1,7 млн чалавек.
Цяпер чытаюць
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары