Распрацоўшчык партала 115.бел падаў у суд на пяць арганізацый ЖКГ. Тыя не плацяць за сайт, на якім беларусы на іх скардзяцца
Жыллёва-камунальныя арганізацыі Гомельскай вобласці не плацяць у тэрмін распрацоўшчыку партала 115.бел, заўважыў «Флагшток».
У другой дэкадзе снежня ў Вярхоўным судзе разглядаецца серыя позваў аб спагнанні ліцэнзійнай узнагароды, пені і працэнтаў за карыстанне чужымі грашовымі сродкамі ў дачыненні да жыллёва-камунальных арганізацый Гомельскай вобласці. Ва ўсіх выпадках заяўнікам выступае КУП «Цэнтр інфармацыйных тэхналогій Мінгарвыканкама».
Цэнтр інфармацыйных тэхналогій Мінгарвыканкама з'яўляецца распрацоўшчыкам партала 115.бел, які дае грамадзянам магчымасць адпраўкі запытаў паўсядзённага бягучага характару, якія датычацца жыллёва-камунальных паслуг непасрэдна прадпрыемствам ЖКГ. З 2018 года праект рэалізуецца ва ўсіх райцэнтрах Беларусі.
Адказчыкамі па позвах КУП «ЦІТ Мінгарвыканкама» выступаюць пяць жыллёва-камунальных арганізацый Гомельскай вобласці, са Жлобіна, Добруша, Веткі, Нароўлі і Лоева. З іх за апошні месяц на інтэрактыўнай карце партала «Мая Беларусь» 115.бел зафіксавана выкананне заявак толькі жлобінскім КДЖЭУП «Жылкамсэрвіс два».
Апошняя заяўка ў Веткаўскім раёне ў кастрычніку 2023 года не была поўнасцю вырашана праз адсутнасць доступу да аўтаматычнай сістэмы «Дыспетчарская служба» ў Веткаўскага ДРБУ-185 .
Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак9
Каментары