Свет33

Перанакіраванне мігрантаў з Беларусі на мяжу з Фінляндыяй — ініцыятыва расійскіх сілавікоў 

Расійскае выданне The Insider са спасылкай на заявы кантрабандыстаў, якія дапамагаюць мігрантам перасячы мяжу, раскрывае схему, па якой прымалася рашэнне аб перанакіраванні мігрантаў з паўднёвых краін з беларускіх межаў з Еўрасаюзам на мяжу Расіі з Фінляндыяй. 

На расійска-фінскай мяжы. Фота: Steffen Trumpf/picture alliance via Getty Images

Як расказаў адзін з суразмоўцаў The Insider, у пачатку лістапада з ім звязаліся «расійскія афіцэры» і расказалі, што цяпер Расія таксама прапускае мігрантаў.

«Расія пачала прапускаць мігрантаў прыкладна паўтара месяца таму, а мы даведаліся пра гэта праз афіцэраў, з якімі ў нас ёсць сувязі», — заявіў кантрабандыст.

З ягоных слоў, ён сам давозіў людзей толькі да расійскай часткі мяжы, «а далей пра іх ужо клапоцяцца расійскія памежнікі — даюць ім ровары для перасячэння мяжы ў Фінляндыю».

Іншы кантрабандыст расказаў выданню, што кантроль за трафікам мігрантаў пачынаецца як толькі мігранты прылятаюць у Расію — ужо ў аэрапорце іх сустракае «нейкі палкоўнік» і дапамагае ўехаць у краіну.

Як высветліў The Insider, у лістападзе ў арабскіх пабліках і суполках у фэйсбуку, дзе яшчэ нядаўна рэкламавалася Беларусь, стала распаўсюджвацца інфармацыя аб тым, што для бежанцаў адкрыўся новы шлях — у Фінляндыю проста з Расіі.

Больш за тое, самі мігранты, якім удалося перасячы мяжу, на сваіх старонках і ў акаўнтах сталі публікаваць відэа з гісторыямі поспеху. У гэтых самых групах публікаваліся і нумары тэлефонаў людзей, якія за грошы абяцалі дапамагчы аформіць дакументы ў Расію і дабрацца да фінскай мяжы.

Пра рэзкі наплыў нелегальных мігрантаў з боку Расіі ўлады Фінляндыі паведамлялі з сярэдзіны лістапада. Да канца месяца Фінляндыя закрыла ўсе дзевяць КПП на мяжы. 14 снежня два з іх аднавілі працу, аднак ужо праз некалькі гадзін былі закрытыя зноў, таму што колькасць мігрантаў не зменшылася.

Цяпер, на фоне закрытай фінскай мяжы, як паведамляе The Insider, кантрабандысты і дылеры зноў усім уцекачам прапануюць адправіцца ў Беларусь, дзе яны высадзяць мігрантаў у лесе каля польскай мяжы і пакажуць прыкладны кірунак, у якім трэба будзе ісці дзясяткі кіламетраў.

Чытайце таксама:

Пуцін паабяцаў праблемы Фінляндыі 

У Польшчы бачаць пагрозу ў адкрыцці новых авіярэйсаў на Мінск

Эстонскія памежнікі адгаворваюць ад паездак у Расію: мяжу могуць закрыць у любы момант

Каментары3

  • Бобр
    26.12.2023
    Пусть ещё и в Норвегию пихают. Только чтоб от Беларуси отстали со своими многоходовочками
  • Наблюдатель
    26.12.2023
    В провокациях с мигрантами на границе кукла путина лукашенко выполнял приказ кремля, для этого в Беларусь были отправлены надзиратели от ФСБ, которые контролировали весь процесс и давали указания местным клоунам с КГБ и Погранкомитета, т.е. они через свою куклу лукашенко используют Беларусь для развязывания провокаций и войны, которую в итоге и развязали. А теперь провокации кремлю потребовались на границе с Финляндией, поэтому спешно перевезли своих иранских и сирийских гастролеров туда, но это не значит что здесь дальше провокаций закончились
  • Нелегал
    26.12.2023
    Да ладна, мы так ведаем, хто куклаводы, а хто марыянетка

Цяпер чытаюць

Што можа чакаць тых, каго будуць судзіць па справе «Беларускага Гаюна»?

Што можа чакаць тых, каго будуць судзіць па справе «Беларускага Гаюна»?

Усе навіны →
Усе навіны

Дзіцячы цэнтр, які адмовіў дзяўчыне ў працаўладкаванні за беларускую мову, улады праверылі і знайшлі парушэнні2

У Ізраілі 1 загінуў, 40 параненых ад іранскай балістыкі. Пачалася трэцяя хваля ўдараў па Іране11

«Гэты фэст не толькі для кайфу». Арганізатары фестывалю Tutaka расказалі пра сёлетнія планы і перспектывы10

Пуцін асудзіў парушэнне Ізраілем Статута ААН і нормаў міжнароднага права11

За месяц попыт на лялек Лабубу вырас на «Куфры» ў 6,5 раза7

Пад Салядарам адзін расійскі самалёт збіў іншы?4

Ізраільская ракета ўдарыла па рэзідэнцыі Вярхоўнага лідара Ірана Алі Сееда Хаменеі3

Падчас ізраільскай атакі на Іран забілі камандзіра спецпадраздзялення «Кудс»1

Нетаньяху ўвёў Іран у зман з дапамогай вяселля, а Трамп — сваімі заявамі8

больш чытаных навін
больш лайканых навін

Што можа чакаць тых, каго будуць судзіць па справе «Беларускага Гаюна»?

Што можа чакаць тых, каго будуць судзіць па справе «Беларускага Гаюна»?

Галоўнае
Усе навіны →

Заўвага:

 

 

 

 

Закрыць Паведаміць