Pieranakiravańnie mihrantaŭ ź Biełarusi na miažu ź Finlandyjaj — inicyjatyva rasijskich siłavikoŭ
Rasijskaje vydańnie The Insider sa spasyłkaj na zajavy kantrabandystaŭ, jakija dapamahajuć mihrantam pierasiačy miažu, raskryvaje schiemu, pa jakoj prymałasia rašeńnie ab pieranakiravańni mihrantaŭ z paŭdniovych krain ź biełaruskich miežaŭ ź Jeŭrasajuzam na miažu Rasii ź Finlandyjaj.
Jak raskazaŭ adzin z surazmoŭcaŭ The Insider, u pačatku listapada ź im źviazalisia «rasijskija aficery» i raskazali, što ciapier Rasija taksama prapuskaje mihrantaŭ.
«Rasija pačała prapuskać mihrantaŭ prykładna paŭtara miesiaca tamu, a my daviedalisia pra heta praz aficeraŭ, ź jakimi ŭ nas jość suviazi», — zajaviŭ kantrabandyst.
Ź jahonych słoŭ, jon sam davoziŭ ludziej tolki da rasijskaj častki miažy, «a dalej pra ich užo kłapociacca rasijskija pamiežniki — dajuć im rovary dla pierasiačeńnia miažy ŭ Finlandyju».
Inšy kantrabandyst raskazaŭ vydańniu, što kantrol za trafikam mihrantaŭ pačynajecca jak tolki mihranty prylatajuć u Rasiju — užo ŭ aeraporcie ich sustrakaje «niejki pałkoŭnik» i dapamahaje ŭjechać u krainu.
Jak vyśvietliŭ The Insider, u listapadzie ŭ arabskich pablikach i supołkach u fejsbuku, dzie jašče niadaŭna rekłamavałasia Biełaruś, stała raspaŭsiudžvacca infarmacyja ab tym, što dla biežancaŭ adkryŭsia novy šlach — u Finlandyju prosta z Rasii.
Bolš za toje, sami mihranty, jakim udałosia pierasiačy miažu, na svaich staronkach i ŭ akaŭntach stali publikavać videa z historyjami pośpiechu. U hetych samych hrupach publikavalisia i numary telefonaŭ ludziej, jakija za hrošy abiacali dapamahčy aformić dakumienty ŭ Rasiju i dabracca da finskaj miažy.
Pra rezki napłyŭ nielehalnych mihrantaŭ z boku Rasii ŭłady Finlandyi paviedamlali ź siaredziny listapada. Da kanca miesiaca Finlandyja zakryła ŭsie dzieviać KPP na miažy. 14 śniežnia dva ź ich adnavili pracu, adnak užo praź niekalki hadzin byli zakrytyja znoŭ, tamu što kolkaść mihrantaŭ nie źmienšyłasia.
Ciapier, na fonie zakrytaj finskaj miažy, jak paviedamlaje The Insider, kantrabandysty i dylery znoŭ usim uciekačam prapanujuć adpravicca ŭ Biełaruś, dzie jany vysadziać mihrantaŭ u lesie kala polskaj miažy i pakažuć prykładny kirunak, u jakim treba budzie iści dziasiatki kiłamietraŭ.
Čytajcie taksama:
Pucin paabiacaŭ prablemy Finlandyi
U Polščy bačać pahrozu ŭ adkryćci novych avijarejsaŭ na Minsk
Estonskija pamiežniki adhavorvajuć ad pajezdak u Rasiju: miažu mohuć zakryć u luby momant
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary