Такім чынам ён пракаментаваў уласнае інтэрв'ю тэлеканалу CNBC, дзе заявіў, што на выбарах 2020 года галасаваў за Байдэна.
Амерыканскі прадпрымальнік Ілан Маск заявіў, што не збіраецца на будучых выбарах у ЗША галасаваць за дзейнага прэзідэнта Джо Байдэна, пра гэта ён напісаў у сацсетцы X.
I cannot see myself voting for Biden this time
«Я не магу ўявіць, каб я прагаласаваў за Байдэна гэтым разам», — напісаў мільярдэр.
Ад Дэмакратычнай партыі, калі не здарыцца нічога кардынальнага, на другі тэрмін будзе балатавацца Джо Байдэн. Асноўным канкурэнтам ад рэспубліканцаў, відаць, будзе Дональд Трамп, які быў прэзідэнтам у 2017-2021 гадах.
Зараз у Рэспубліканскай партыі праходзяць праймерыз. Кокусы ў Аёве выйграў з вялікім адрывам Трамп. Заўтра пройдуць праймерыз у Нью-Гемпшыры. Перад імі зняў сваю кандыдатуру на карысць Трампа губернатар Фларыды Рон Дэсанціс.
Канчаткова кандыдат ад Рэспубліканскай партыі будзе названы ў ліпені падчас з'езда партыі.
Прэзідэнцкія выбары ў ЗША пройдуць у лістападзе. Калі Трамп пераможа, ён стане другім у гісторыі прэзідэнтам, які кіраваў з перапынкам. Гровер Кліўленд быў прэзідэнтам у 1885-1889-х і 1893—1897 гадах.
Цяпер чытаюць
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія2
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары