Польскія візы PBH, здаецца, усё. Візавыя цэнтры просяць забраць дакументы
Паводле інфармацыі ІТ-спецыялістаў, якую devby пацвердзілі ў пасольстве Польшчы ў Мінску, сёння ў Беларусі спынілі прыём дакументаў на візу PBH (Poland.Business Harbour).
Раніцай у чатах PBH з'явілася паведамленне ад аднаго з карыстальнікаў пра тое, што яго папрасілі забраць дакументы, якія ён падаў раніцай у ВЦ у Гомелі. У ВЦ спаслаліся на рашэнне польскіх дзяржорганаў, якое дзейнічае з 26 студзеня. Інфармацыю ІТ-спецыяліста пацвердзілі ў мінскім пасольстве.
Сапраўды, у пасольстве Польшчы ў Мінску пацвердзілі, што прыём дакументаў на PBH закрыты, і, імаверна, не будзе адноўлены — «праграма PBH закрыта». Парэкамендавалі падаваць дакументы на звычайную працоўную візу па запрашэнні.
Праграма Poland.Business Harbour дапамагае спецыялістам ІТ-сферы, стартапам, а таксама цэлым кампаніям пераехаць у Польшчу. Каардынатары праграмы — Міністэрства развіцця, Польскае агенцтва інвестыцый і гандлю, GovTech Polska, Канцылярыя старшыні ўрада, Міністэрства замежных спраў, Польскае агенцтва развіцця прадпрымальніцтва і фонд Startup Hub Poland.
Праграма ўключае выдачу нацыянальнай візы D23, юрыдычную падтрымку пры пераездзе, дапамогу ў кантактах з органамі самакіравання, СЭЗ, інвестарамі, а таксама гранты.
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве4
Каментары