Арганізатар аўтапрабегаў за Лукашэнку пайшоў на выбары без дазволу зверху. Яго нават не зарэгістравалі
Віталь Леановіч — адзін з актыўных удзельнікаў арганізацыі «Патрыёты Беларусі». Гэта аб’яднанне людзей, якія пасля выбараў каталіся па Беларусі ў падтрымку Аляксандра Лукашэнкі.
Здаецца, больш адданага лукашэнкаўца знайсці нерэальна. «Леановіч не прапусціў ні аднаго мітынгу і аўтапрабегу ў падтрымку дзеючай улады», — хваліла яго БТ. На псеўдапатрыятычнай істэрыі Леановіч вырашыў патрапіць у Мінгарсавет, але ўсё пайшло не так.
Па абранай ім Даўгінаўскі акрузе №45 узгоднены праўладны кандыдат быў іншым — кіраўніца раённай паліклінікі. Таму ўсё скончылася для Леановіча прадказальна — яго нават не зарэгістравалі кандыдатам.
Камісія выставіла яму тры прэтэнзіі. Па-першае, арганізатар аўтапрабегаў прынёс дэкларацыю аб даходах за 2023 год, а трэба было за 2022 год. Па-другое, на яго яшчэ з савецкіх часоў быў зарэгістраваны нейкі аўтамабіль, пра які ён забыў. Па-трэцяе, 97% подпісаў у яго падтрымку было ўнесена адной рукой.
Выглядае, што гэтыя 97% і не далі лукашэнкаўцу стаць кандыдатам у дэпутаты.
Леановіч трымаецца бадзёра і абяцае паспрабаваць у наступны раз.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары