Грамадства33

Тайвань павялічыў штрафы за незаконны экспарт у Беларусь больш чым у 15 разоў

Зараз мясцовым кампаніям, якія пастаўляюць сваю прадукцыю ў абыход санкцый, пагражае штраф да 140 тысяч даляраў.

Фота: Ng Han Guan / AP

Гандлёвае ўпраўленне Мінэканомікі Тайваня робіць больш строгім пакаранне за незаконны экспарт у Расію і Беларусь. Памер штрафу павялічваецца больш чым у 15 разоў, паведамляе Reform.by са спасылкай на прэс-службу тайваньскага Міністэрства.

Зараз мясцовым кампаніям, якія пастаўляюць сваю прадукцыю ў абыход санкцый, пагражае штраф сумай блізу 140 тысяч даляраў.

Мінэканомікі Тайваня таксама папрасіла вытворцаў разарваць сувязі і пацвердзіць забарону на экспарт высокатэхналагічных тавараў у Расію і Беларусь, нагадаўшы пра патрабаванне дэклараваць канчатковага пакупніка пры продажы тавараў праз рызыкоўныя трэція краіны, куды аднесены Турцыя, Аб'яднаныя Арабскія Эміраты, краіны Цэнтральнай Азіі і інш.

Улады Тайваня падкрэсліваюць, што міжнародная рэпутацыя тайваньскіх бізнэсоўцаў мае вырашальнае значэнне для будучых глабальных продажаў і павінна быць абаронена гульцамі галіны.

Падставай для заявы ўладаў стала ўнясенне расійскай кампаніі iMachine у санкцыйны спіс у адказ на публікацыі ў СМІ, дзе сцвярджалася, што расійскі вытворца зброі выкарыстаў метад перавалкі ў трэцюю краіну для пераабсталявання тайваньскіх станкоў для нарошчвання вайсковай вытворчасці.

Тайвань з 25 студзеня пашырыў абмежаванні на экспарт у Беларусь і Расію. Пералік пашырыўся з улікам дзеянняў ЕС і ЗША. Пад новыя абмежаванні трапілі тэхналогіі для вытворчасці паўправаднікоў, некаторыя віды хімічных рэчываў і медыкаментаў.

Каментары3

  • ЯНКА
    03.02.2024
    🤔 Няўжо гэтым так цяжка зразумець, калі належыць выкарыстоўваць слова «зараз», а калі «цяпер»?
  • a.hto.tam.idze
    03.02.2024
    ЯНКА, Вось зараз прачытаюць ваш водгук, і ўрэшце зразумеюць, якія словы трэба ўжываць цяпер :-)
  • ЯНКА
    04.02.2024
    a.hto.tam.idze, :)

Цяпер чытаюць

Атака Ізраіля па Іране: усё, што вядома на гэты момант10

Атака Ізраіля па Іране: усё, што вядома на гэты момант

Усе навіны →
Усе навіны

Беларус Аляксей Шпілеўскі ўзначаліць расійскі «Пары НН» замест Віктара Ганчарэнкі2

Вярхоўны лідар Ірана пагражае Ізраілю наступствамі4

У акупаваным Крыме гучалі шматлікія выбухі

Ізраіль нанёс удары па Іране. Загінулі кіраўнік Корпуса вартавых ісламскай рэвалюцыі і начальнік Генштаба арміі Ірана32

У Малі знайшлі сетку турмаў «Вагнера» з сотнямі зняволеных

У Варшаве затрымалі беларуса, які знаходзіўся ў вышуку Інтэрпала2

«Кожны хоча быць Каліноўскім, але…» У Варшаве паказалі «Інсургентаў» паводле п'есы Зянона Пазняка

Памёр аршанец Андрэй Корпс — наркаман, які спрабаваў ратаваць ад наркотыкаў іншых6

«Паўэрбанк зарадзіў, кофту папраў». Хлопец скраў чужыя рэчы, а пасля спалохаўся і вярнуў іх назад5

больш чытаных навін
больш лайканых навін

Атака Ізраіля па Іране: усё, што вядома на гэты момант10

Атака Ізраіля па Іране: усё, што вядома на гэты момант

Галоўнае
Усе навіны →

Заўвага:

 

 

 

 

Закрыць Паведаміць