Свет55

Лукашэнкаўская Беларусь назбірала кампліментаў ад славацкіх прарасійскіх палітыкаў

Віцэ-спікер парламента Славакіі Любаш Блага і дэпутат Андрэй Данка сустрэліся ў Браціславе з паслом Беларусі ў Аўстрыі і Славеніі, пастаянным прадстаўніком Беларусі пры АБСЕ Андрэем Дапкюнасам. Пасля гэтай сустрэчы яны пакінулі хвалебныя водгукі і выказаліся за развіццё супрацоўніцтва з лукашэнкаўскай Беларуссю і пуцінскай Расіяй. 

Злева направа: Любаш Блага, Андрэй Дапкюнас і Андрэй Данка. Фота: t.me/LubosBlahaSmer

Андрэй Данка ў сваім пасце ў фэйсбуку па выніках сустрэчы выказаў шкадаванне, што Дапкюнас «павінен сядзець у Вене» (у снежні 2023 года Беларусь закрыла сваю амбасаду ў Славакіі), а таксама пры гэтай нагодзе перадаў прывітанне Лукашэнку.

Любаш Блага напісаў у сваім тэлеграм-канале больш разгорнуты пост.

«Магу пацвердзіць, што гэта была вельмі сардэчная сустрэча, на якой я заявіў, што Беларусь — наш сябар, і мы ніколі не забудзем ахвяру гэтага адважнага славянскага народа ў Другой сусветнай вайне. Я зраблю ўсё для далейшага развіцця нашага супрацоўніцтва, мне заўсёды падабалася ездзіць у гэтую цудоўную краіну і лічу абсурднымі санкцыі супраць Беларусі», — напісаў віцэ-спікер.

Пры нагодзе ён таксама выказаў цёплыя пачуцці да пуцінскай Расіі:

«Мы хочам міру. І мы адкідаем нянавісць да Расіі і Беларусі. Мы хочам прыслухацца да пункту гледжання Расіі — інакш кампраміс ніколі не будзе знойдзены», — напісаў віцэ-спікер парламента Славакіі, маючы на ўвазе пошук кампрамісу па пытаннях вайны ва Украіне.

Андрэй Данка — старшыня кансерватыўнай і нацыяналістычнай Славацкай нацыянальнай партыі, а Любаш Блага — член партыі «Курс — сацыяльная дэмакратыя», якую ўзначальвае цяперашні прэм'ер-міністр Славакіі Роберт Фіца. Абедзве партыі цяпер уваходзяць ва ўрадавую кааліцыю. 

Сам славацкі прэм'ер Роберт Фіца таксама сёння ўскосна выказаўся ў інтэрв'ю славацкаму выданню Pravda падтрымку беларускага і расійскага рэжымаў, выказаўшыся за допуск іх прадстаўнікоў на Алімпійскія гульні, якія маюць адбыцца гэтым летам у Парыжы:

«А што тычыцца Алімпіяды. Уявіце, што ў вас ёсць спартыўная дысцыпліна, і ў гэтай спартыўнай дысцыпліне на першых прыступках стаіць абсалютны сусветны лідар з Расіі ці Беларусі. Вы забараняеце ім прыходзіць на спаборніцтвы, і перамагае хтосьці, хто ў адваротным выпадку выйграў бы з мінімальнай верагоднасцю, якая каштоўнасць гэтага залатога медаля?

У сваім жыцці я б не перашкаджаў спартсменам спаборнічаць, таму што хай яны пакажуць, ці ёсць у іх усё неабходнае для перамогі».

У студзені 2024 года з'явілася інфармацыя, што Славакія аднаўляе культурныя сувязі з лукашэнкаўскай Беларуссю і пуцінскай Расіяй, спыненыя папярэднім урадам у сакавіку 2022 года пасля таго, як абодва рэжымы развязалі вайну ва Украіне. 

Каментары5

  • Маккавеи
    09.02.2024
    [Рэд. выдалена]
  • Кракадзілавы слёзы
    09.02.2024
    Ух ты, нават успомнілі пра "ахвяру гэтага адважнага славянскага народа ў Другой сусветнай вайне". Можа яшчэ ўспомніце пра ролю Славакіі ў той вайне? Як кармілі нацыстаў, забяспечвалі іх тэхнікай і рыштункам, давалі плацдарм для 'прэвенціўнага ўдару', як самі ваявалі на Ўсходнім Фронце, забівалі мірных жыхароў - і славянаў, і яўрэяў, як хацелі быць больш адданымі фюрэру, чымсі венгры?
  • Алесь Нязгода
    10.02.2024
    [Дзякуй, паправілі. - Рэд.]

Цяпер чытаюць

Муж Сямашкі быў не адзіным, хто атрымаў пашпарт прыкрыцця 13 лютага 2018 года39

Муж Сямашкі быў не адзіным, хто атрымаў пашпарт прыкрыцця 13 лютага 2018 года

Усе навіны →
Усе навіны

На станцыі метро «Маскоўская» спыніўся цягнік

Telegram заблакаваў расійскі інсайдарскі канал з мільёнам падпісчыкаў па патрабаванні расійскіх уладаў12

Як выгадна купіць машыну на аўкцыёне ў Еўропе без пасярэднікаў — расказваем16

Маладыя бацькі ў 100 гадоў. У пары галапагоскіх чарапах упершыню нарадзіліся дзеці

Трамп пракаментаваў падзенне фондавага рынку з-за ўвядзення пошлін4

Еўрапейскі ўніверсітэт залічыў першага студэнта — штучны інтэлект

Мора на майскія: дзе адпачыць і колькі будзе каштаваць2

«Прыехала, каб шэсць гадзін паглядзець тэлевізар». Беларуску са статусам уцекача не пусцілі ва Украіну без візы8

На Ліманскім напрамку ва Украіне абвастраецца сітуацыя1

больш чытаных навін
больш лайканых навін

Муж Сямашкі быў не адзіным, хто атрымаў пашпарт прыкрыцця 13 лютага 2018 года39

Муж Сямашкі быў не адзіным, хто атрымаў пашпарт прыкрыцця 13 лютага 2018 года

Галоўнае
Усе навіны →

Заўвага:

 

 

 

 

Закрыць Паведаміць