У адным з мінскіх паркаў прапануюць пабудаваць вежу вышынёй 50 метраў. І каб яна рухалася
Інвестары з Расіі прапануюць канцэптуальна змяніць парк імя Паўлава, што знаходзіцца на сутыку мікрараёнаў Паўднёвы Захад, Малінаўка і Брылевічы.
Такая ідэя прагучала на Дні інвестара ў гарадской адміністрацыі 15 лютага, паведамляюць Мінск-Навіны.
На сустрэчу прыехалі прадстаўнікі патэнцыйнага інвестара з Расіі. Яны прапанавалі канцэптуальна змяніць парк імя Паўлава. Акрамя прыгожых фантанаў, казачнага саду і падсвятлення на мастках прапануецца ўсталяваць на круглай пляцоўцы рухомую аглядную вежу да 50 м вышынёй.
— Гэта альтэрнатыва колу агляду. Яно ў вас ужо ёсць, таму ставіць яшчэ адно сэнсу няма, — лічыць генеральны дырэктар «Канцэпт парку» Яўгенія Мельнікава. — Аналагаў прапанаванай намі канструкцыі няма ў Беларусі. Яе распрацавалі ў Расіі — першую вежу хутка пабудуюць у Сочы. Распрацоўшчык расійскі. Калі ўсё атрымаецца, у планах паставіць такую ў Мінску.
Каментары