«Нічога не бачыў і нічога дрэннага не рабіў». Біл Клінтан расказаў пра свае сувязі з Эпштэйнам
Былы прэзідэнт ЗША Біл Клінтан даў паказанні перад Камітэтам па наглядзе Палаты прадстаўнікоў Кангрэса ЗША ў сувязі са справай фінансіста Джэфры Эпштэйна, якога раней асудзілі за сэксуальныя злачынствы. Пасяджэнне праходзіла за зачыненымі дзвярыма, як і напярэдадні ў выпадку з ягонай жонкай Хілары Клінтан.
У апублікаванай заяве Клінтан адзначыў, што яго знаёмства з Эпштэйнам было кароткім і завяршылася задоўга да таго, як сталі вядомыя злачынствы фінансіста. Ён падкрэсліў, што не меў ніякага ўяўлення пра супрацьпраўную дзейнасць Эпштэйна і падчас зносін з ім не бачыў нічога падазронага. Паводле яго слоў, ён «нічога не бачыў і нічога дрэннага не рабіў».
Клінтан таксама заявіў, што яго жонка ўвогуле не мае дачынення да гэтай гісторыі і нават не памятае, ці сустракалася яна калі-небудзь з Эпштэйнам.
Гэта першы выпадак з 1983 года, калі былы прэзідэнт ЗША дае паказанні перад камітэтам Кангрэса. Старшыня камітэта, рэспубліканец Джэймс Комер, адзначыў, што Клінтаны доўга адмаўляліся ўдзельнічаць у слуханнях, але ўрэшце пагадзіліся. У той жа час дэмакрат Сухас Субраманьям заявіў, што камітэт, на яго думку, засяродзіўся не на тым прэзідэнце.
Хілары Клінтан дала паказанні днём раней. У сваёй заяве яна раскрытыкавала камітэт за закрыты фармат працы і назвала працэс палітычна матываваным, а таксама заклікала выклікаць для дачы паказанняў Дональда Трампа.
Раней Біл Клінтан тлумачыў, што пазнаёміўся з Эпштэйнам праз дабрачынную дзейнасць ужо пасля сыходу з Белага дома. Апублікаваныя Міністэрствам юстыцыі ЗША дакументы сведчаць, што іх знаёмства адбылося ў пачатку 2000‑х гадоў, а ў 2002—2003 гадах Клінтан некалькі разоў карыстаўся самалётам фінансіста. Аднак да 2006 года, калі Эпштэйна ўпершыню абвінавацілі ў злачынствах, іх кантакты ўжо спыніліся.
Ні Біл, ні Хілары Клінтан не з’яўляюцца абвінавачанымі ў гэтай справе. Былы прэзідэнт сцвярджае, што не ведаў пра злачынствы Эпштэйна, а яго жонка кажа, што ніколі асабіста з ім не сустракалася.
Біл і Хілары Клінтан пагадзіліся даць паказанні Кангрэсу аб сувязях з Эпштэйнам. Адмова пагражала ім крымінальнай справай
Прэзідэнт Сусветнага эканамічнага форуму падаў у адстаўку на фоне расследавання яго сувязяў з Эпштэйнам
Карына Шуляк не атрымае ні цэнта са спадчыны Эпштэйна
Біл Гейтс прызнаўся ў шлюбных здрадах з расіянкамі і ў тым, што Эпштэйн яго гэтым шантажаваў
Былы нарвежскі прэм'ер Ягланд зрабіў спробу самагубства на фоне абвінавачання ў сувязях з Эпштэйнам
«Закон павінен ісці сваёй дарогай». Карл III пракаментаваў арышт свайго брата
Цяпер чытаюць
Скандал у «Еўраопце». 96‑гадоваму дзядулю не дазволілі прысесці на крэсла каля касы21
Каментары