«Алкаголь паўплываў на яе розум»: экс-прэзідэнт Манголіі высмеяў «даму з МЗС РФ»
Па словах Цахіягійна Элбэгдоржа, яму распавялі, што ўдзельнікі розных расійскіх ток-шоу «шалелі» з-за яго допісу, у якім ён паказаў карту Манголіі XIII стагоддзя, якая ўключае тэрыторыі Расіі.
Былы прэзідэнт Манголіі Цахіагійн Элбэгдорж заявіў, што на публікацыю ў сацсетцы X, у якой ён высмеяў інтэрв'ю прэзідэнта Расіі Уладзіміра Пуціна журналісту Такеру Карлсану, адрэагавала «адна дама» з Міністэрства замежных спраў РФ. Пра гэта ён сказаў у эфіры праграмы «Паветра».
Экс-президент Монголии высмеял «сильно выпивающую даму» из МИД рф, возбудившуюся на его шутку с картой Монгольской империи.
«Я думаю, что сильная выпивка действительно влияет на разум человека». pic.twitter.com/2qwrkG7QZS
«Ведаеце, гісторыя не хлусіць. А вось Пуцін хлусіць. Таму і высмеяў гэта, выкарыстоўваючы нашу старую мангольскую карту. Я не чакаў, што гэта выкліча такі вялікі ажыятаж», — сказаў Элбэгдорж.
Па словах палітыка, папулярнасць яго допісу паказала, што не ён адзін лічыць вар'яцтвам выкарыстанне гісторыі для апраўдання ўзброенага ўварвання на тэрыторыю суседняй незалежнай краіны.
На пытанне аб тым, ці былі афіцыйная рэакцыя з боку РФ, Элбэгдорж адказаў, што была толькі адна рэакцыя ад «адной дамы» з МЗС Расіі [магчыма, размова ідзе пра Марыю Захараву — НН].
Пры гэтым ён адзначыў, што так і не зразумеў, што дакладна яна казала.
«Я думаю, што моцная выпіўка сапраўды ўплывае на розум чалавека. Магчыма, алкаголь паўплываў на яе розум», — прапанаваў ён.
Са слоў Элбэгдоржа, яму расказалі, што ўдзельнікі розных расійскіх ток-шоу таксама «шалелі» з-за ягонага допісу.
Цяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам3
Каментары